Coop Himmelb(l)au

---

Coop Himmelb(l)au

Avantgardistiese argitekte-ateljee

---

Hoofateljee

Wene
 Oostenryk

---

Internasionale ateljees

Los Angeles
 Verenigde State

---

Londen
 Verenigde Koninkryk

---

Melbourne
 Australië

---

Beduidende projekte



"Skytower"
Hoofkwartier van die Europese Sentrale Bank in Frankfurt am Main

---

Gasometer-woonstelgebou in Wene

---

Internasionale konferensie-sentrum in Dalian, Volksepubliek China

Coop Himmelb(l)au is 'n avantgardistiese argitekte-ateljee wat in 1968 deur Wolf D. Prix, Helmut Swiczinsky en Michael Holzer in die Oostenrykse hoofstad Wene gestig is en intussen op internasionale vlak optree, met filiale in Los Angeles (sedert 1988), Londen, Frankfurt am Main, Parys, Beijing en Bakoe en 150 medewerkers uit 19 lande. Die ateljee verwesenlik 'n verskeidenheid projekte wat binne die kader van argitektuur, stadsbeplanning, ontwerp en kuns val. Sy vernaamste werke sluit die Gasometer B-woonstelgebou in Wene (2001), die BMW Welt in München (2007) en Skytower, die nuwe hoofkwartier van die Europese Sentrale Bank in Frankfurt am Main (2015), in.

Wolf D. Prix, wat ná die onttrekking van sy vennote Swiczinsky en Holzer uit die ateljee as Coop Himmelb(l)au se hoof uitvoerende beampte en hoofontwerper fungeer, word onder die vroeë baanbrekers van die dekonstruktivistiese stroming binne die internasionale boukuns gereken. Die ateljee het 'n internasionale deurbraak gemaak met hulle uitnodiging tot die uitstalling Deconstructivist Architecture wat in 1988 deur die New Yorkse Museum of Modern Art (MoMA) gereël is.