Nylkrokodil
Die Nylkrokodil (Crocodylus niloticus) is die grootste van die vier krokodilspesies wat in Afrika voorkom. Die krokodille het lang sterte en kragtige kake. Hulle agterpote is geweb om hulle te help swem. Hulle word tot 6 meter lank en kan tot 1000 kg weeg.[1] Die mannetjies is gewoonlik groter as die wyfies.
| Nylkrokodil | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Reptilia |
| Orde: | Crocodilia |
| Familie: | Crocodylidae |
| Genus: | Crocodylus |
| Spesie: | C. niloticus
|
| Binomiale naam | |
| Crocodylus niloticus (Laurenti, 1768)
| |
| |
| verspreiding van die spesies | |
Nylkrokodille kom wydverspreid oor Afrika suid van die Sahara en in Madagaskar voor. Hulle het vantevore selfs in die Middellandse See, Israel en Jordanië voorgekom. Hierdie krokodille leef in verskillende habitats, insluitend mere, riviere en riviermondings.
Onvolwasse nylkrokodille vreet insekte en klein vissies. Die volwasse nylkrokodille vang groter diere om te vreet, soos sebras, wildsbokke, wildebeeste en buffels,[1] en vreet ook mense.
Dié krokodille paar in die water, waarna die wyfie 'n gat in die grond grawe waarin sy haar eiers lê. Hulle kan tot 60 eiers lê wat ongeveer 90 dae neem om uit te broei.[1] Die wyfie pas die nes gedurende hierdie tyd op. Jong krokodille kan vanaf 12-jarige ouderdom voortplant.[1]
Galery
wysig-
Ontlede skedel van C. niloticus -
Eier van C. niloticus
Verwysings
wysig- ↑ 1,0 1,1 1,2 1,3 "Nile crocodile – Crocodylus niloticus". arkive.org (in Engels). 2012. Geargiveer vanaf die oorspronklike op 5 Februarie 2019. Besoek op 19 November 2012.
