Crompton-versameling

Die Crompton-versameling van hoofsaaklik briewe in die staatsargief van kwaZulu-Natal gee ‘n beeld van die mense en geskiedenis van die streek tussen 1857 en 1880.

John Lake Crompton is in November 1815 in Norwich, Engeland gebore en het in Maart 1857 in die kolonie Natal aangekom. In Pinetown was hy ‘n Anglikaanse priester, sakeman, groot grondbesitter, boer, politikus, vrederegter en aandeelhouer in die Natal Railway Company.

Die briewe handel onder meer oor sy leierskapsrol in die stryd teen en rondom biskop John William Colenso, maar ook oor sy ander aktiwiteite. Sekere briewe gaan oor die lewenstoestande in Natal toe hy daar aankom, sy indrukke van die kultuur van die Zulu-volk, sy mening oor die invoer van Indiër-arbeiders in Natal en oor vrygestelde slawe. In nagelate dokumente van sy vrou, Harriette Phelps, blyk dit dat sy ‘n vroeë stryder vir vrouregte was.

Bibliografie wysig

  • Leverton, B.J.T.: The Crompton Collection. In: Lantern. Tydskrif vir Kennis en Kultuur. Jaargang 25, nr. 3, Maart 1976