Curtiss P-36 Hawk
Die Curtiss P-36 Hawk was 'n vegvliegtuig wat deur die United States Army Air Forces gebruik was voor en tydens die Tweede Wêreldoorlog. Hierdie vliegtuig is die tweede geslag Curtiss vliegtuig. Ontwikkeling van die vliegtuig het in 1934 begin en die eerste prototipe het in Mei 1935 sy nooiensvlug voltooi. Dit was 'n gevorderde ontwerp vir sy tyd met 'n toe kajuit en intrekbare onderstel. Die vliegtuig het die United States Army Air Forces so beïndruk dat hulle onmiddellik 210 vliegtuie bestel het. Dit was die grootste vredestyd bestelling vir vegter ooit deur die USAAF. Aflewering van die vliegtuig het in April 1938 begin maar teen die tyd dat die Tweede Wêreldoorlog uitbreek in Desember 1941 was die vliegtuig as verouderd beskou. Sommige van hulle was wel betrokke in aksie teen Japan. Die P-36A was die hoofvegter in Hawai tydens die Slag van Pearl Harbor.
| Curtiss P-36 Hawk | |
|---|---|
 | |
| Tipe | Vegvliegtuig |
| Vervaardiger | Curtiss-Wright Corporation |
| Nooiensvlug | 6 Mei 1935 |
| Bekendstelling | 1938 |
| Onttrek | 1954, Argentinië |
| Status | Uit diens gestel |
| Hoofgebruikers | United States Army Air Forces Britse Lugmag Finse Lugmag Franse Lugmag |
| Aantal gebou | 250 |
Die vliegtuig is as die H75 uitgevoer na Frankryk waar hulle in aksie was voor die val van Frankryk in 1940. Een van die Armée de l'Air se P-36 het die eerste Duitse vliegtuig vir Frankryk afgeskiet. Na die val Frankryk is die meeste P-36's na Brittanje oorgeplaas waar hulle as die Mohawks bekend gestaan het. Duitsland het ook 'n paar van die P-36's in beslag geneem en dit aan Finland gegee (Finland was op daardie stadium gewikkel in die Winteroorlog) nadat hulle dit vir vegvliegtuig opleiding gebruik het. Daar was ook nog 100 Mohawk's direk afgelewer aan Brittanje tussen Julie en Desember 1940. Sommiges was oorgeplaas na die Midde Ooste en Indië. Op een stadium was die hele noordoos Indië behartig deur agt Curtiss P-36 Hawk's. Die laaste Britse Eskader wat die P-36 gebruik het was 155 Eskader wat hulle tot in Januarie 1944 gebruik het.
Die Curtiss P-36 Hawk was ook verskaf aan die Noorweege Lugmag, Nederland en die destydse Persië. Vichy-Frankryk en Peru het ook die vliegtuig bedryf. In 1937 het die vervaardigers die Hawk 75, 'n eenvoudiger model ontwikkel vir uitvoere na China, die destydse Siam en Argentinië.
Tegniese besonderhede
wysig| Item | Statistiek |
|---|---|
| Aantal motore | 1 |
| Tipe motor | Skroef |
| Vervaardiger | Wright R-1820-G205A Cyclone stermotor |
| Kraglewering per motor | 1 200 perdekrag |
| Vlerkspan | 11,28 m |
| Lengte | 8,69 m |
| Hoogte | 2,82 m |
| Vlerkoppervlakte | 21,92 m2 |
| Maks. opstygmassa | 2 667 kg |
| Maks. snelheid | 518 km/h |
| Operasionele hoogte | 9 860 m |
| Togafstand | 1,046 km |
| Klimvermoë | 4,570m in 6 minute |
| Bewapening | Vier 7.62 mm masjiengewere in vlerke en twee 12.7 mm in romp. |
Sien ook
wysigBron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9