Curtiss SB2C Helldiver
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Curtiss SB2C Helldiver was 'n eenmotorige duikbomwerper wat deur die Amerikaanse Vloot gebruik is tydens die Tweede Wêreldoorlog. Die vliegtuig het sy nooiensvlug voltooi op 18 Desember 1940.
| Curtiss SB2C Helldiver | |
|---|---|
 | |
| Tipe | Bomwerper |
| Vervaardiger | Curtiss-Wright |
| Ontwerp deur | Don R. Berlin |
| Nooiensvlug | 18 Desember 1940 |
| Status | Uit diens gestel |
| Hoofgebruiker | Amerikaanse Vloot |
| Vervaardig | 1943-1945 |
| Aantal gebou | 7 140 |
Geskiedenis wysig
Die eerste prototipe XSB2C-1 is vernietig in 'n ongeluk die jaar nadat dit sy nooiensvlug op 18 Desember 1940 voltooi het. In November 1940 is die eerste bestelling van die Amerikaanse Vloot vir model SB2C-1 ontvang. Dit is later vermeerder totdat 978 vliegtuie afgelewer is, met die eerste vliegtuig wat in Junie 1942 afgelewer is.
Daar is ook later bestellings vir 1 112 SB2C-3's, 2 045 SB2C-4's en 970 SB2C-5's ontvang. Die SB2C-3 model was toegerus met die 1 900 perdekrag R-2600-20 Cyclone stermotor terwyl radar by die model SB2C-4 geïnstalleer is. Daar is ook voorsiening gemaak dat dié model ook 'n ekstra 454 kg bom of 8 5-duim vuurpyle kon dra. Die SB2C-5 was 'n SB2C-4 met 'n langer togafstand.
Die United States Army Air Forces het ook 900 Helldivers gekoop wat as die A-25A Shrike bekend gestaan het. Die vliegtuie is later na die Amerikaanse Marinierskorps oorgeplaas.
Tegniese besonderhede wysig
| Item | Statistiek |
|---|---|
| Aantal motors | 1 |
| Tipe motor | Skroef |
| Vervaardiger | Wright R2600-8 Cyclone stermotor |
| Kraglewering per motor | 1 700 perdekrag |
| Vlerkspan | 15,15 m |
| Lengte | 11,18 m |
| Hoogte | 4,50 m |
| Normale opstygmassa | 6 695 kg |
| Maks. snelheid | 452 km/h op 3 780 m |
| Operasionele hoogte | 7 529 m |
| Togafstand | 3 050km |
| Bewapening | Een 20mm kanon in elke vlerk, twee 0,30 masjiengewere agter in kajuit |
| Bomvrag | Een 454 kg bom in bomlaai |
Bron wysig
- Bombers 1939–1945 Kenneth Munson, Bounty Books. 2012. ISBN 978-0-7537-2172-8