Wikipedia

Dadra en Nagar Haveli en Daman en Diu

Dadra en Nagar Haveli en Daman en Diu is 'n uniegebied in Indië.[1][2] Die gebied is gevorm deur die samesmelting van die voormalige gebiede Dadra en Nagar Haveli en Daman en Diu. Planne vir die voorgestelde samesmelting is in Julie 2019 deur die regering van Indië aangekondig; die nodige wetgewing is in Desember 2019 deur die parlement van Indië aanvaar en het op 26 Januarie 2020 in werking getree.[3][4] Die gebied bestaan uit vier afsonderlike geografiese entiteite: Dadra, Nagar Haveli, Daman en die eiland Diu. Al vier gebiede was voorheen deel van Portugees Indië, met 'n gesamentlike hoofstad in Panjim, Goa. Hulle het in die middel van die 20ste eeu onder Indiese heerskappy gekom ná die anneksasie van Goa. Dit is gesamentlik as Goa, Daman en Diu geadministreer tot 1987, toe Goa staatstatus gekry het ná die Konkani-taalagitasie. Die huidige hoofstad is Daman en Silvassa is die grootste stad.

Kaart van Dadra en Nagar Haveli en Daman en Diu in Indië.

Geografie wysig

Dadra en Nagar Haveli en Daman en Diu bestaan uit vier verskillende gebiede in die Weste van Indië. Dadra is 'n klein enklawe in die staat Gujarat. Nagar Haveli is 'n C-vormige enklawe wat tussen die state Gujarat en Maharashtra geleë is, wat 'n teenenklawe van Gujarat rondom die dorpie Maghval bevat. Daman is 'n enklawe aan die kus van Gujarat, terwyl Diu 'n eiland langs die kus van Gujarat is.

Administrasie wysig

Dadra en Nagar Haveli en Daman en Diu word as 'n uniegebied van Indië geadministreer kragtens Artikel 240 (2) van die Grondwet van Indië. Die president van Indië stel 'n administrateur aan om die gebied namens die sentrale regering van Indië te administreer. Die sentrale regering kan adviseurs aanstel om die administrateur met sy/haar pligte by te staan.

Distrikte wysig

Die uniegebied bestaan uit drie distrikte:

Nr. Distrik Area (km2) Bevolking (2011) Digtheid
per km2
1 Daman-distrik 72 190 855 2 651
2 Diu-distrik 40 52 056 1 301
3 Dadra en Nagar Haveli 491 342 853 698
Totaal 603 585 764 971

Fotogalery wysig

  •  
    Vanganga-tuin, Silvassa
  •  
    St. Thomas-kerk, Daman
  •  
    Damanganga-rivier, Silvassa
  •  
    Diu Fort, Diu
  •  
    St. James-kerk, Daman
  •  
    Naida-grotte

Verwysings wysig

  1. ↑ Dutta, Amrita Nayak (10 Julie 2019). "There will be one UT less as Modi govt plans to merge Dadra & Nagar Haveli and Daman & Diu". Besoek op 31 Januarie 2020.
  2. ↑ "Data" (PDF). egazette.nic.in. Besoek op 9 Junie 2020.
  3. ↑ "Govt plans to merge 2 UTs -- Daman and Diu, Dadra and Nagar Haveli".
  4. ↑ "Data" (PDF). 164.100.47.4. Besoek op 9 Junie 2020.

Eksterne skakels wysig


Ontsluit van "https://af.wikipedia.org/w/index.php?title=Dadra_en_Nagar_Haveli_en_Daman_en_Diu&oldid=2612789"