Daniel Barenboim
Daniel Barenboim (gebore 15 November 1942) is ’n pianis en orkesdirigent wat in Argentinië gebore is en in verskeie lande orkeste gedirigeer het. Hy is 'n burger van Argentinië, Israel, Spanje en die Staat Palestina. Sy eerste vrou was die beroemde tjellis Jacqueline du Pré.[1]
Daniel Barenboim | |
|---|---|
 Daniel Barenboim in 2008 | |
| Gebore | 15 November 1942 |
| Nasionaliteit |  Argentinië Israel Spanje Staat Palestina |
| Beroep | Pianis en dirigent |
| Eggenoot | Jacqueline du Pré (1967–1987; haar dood) Elena Bashkirova (1988–hede) |
| Kinders | 2 |
| Ouer(s) | Aida (née Schuster) Enrique Barenboim |
| Webwerf | danielbarenboim.com |
Barenboim (wat "peerboom" in Jiddisj beteken)[2] is in Buenos Aires gebore, sy grootouers was Russiese Asjkenasiese Jode. Hy word aanvanklik as 'n pianis bekend, maar hy het daarna sy merk as dirigent gemaak. Hy is veral belangrik vir sy werk met die Wes-Oos Divan-orkes, wat jong Arabiese en Israeliese musikante opgelei. Hy het dikwels die onwettige Israeliese nedersettings op Palestynse grond gekritiseer. In 2001 was talle Israelies ontstoke toe hy die werk van Richard Wagner opvoer. Wagner se musiek is sedert 1938 nie in Israel opgevoer nie, omdat hy anti-Joods en ook Adolf Hitler se gunsteling komponis was.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Maestro with the magic touch" in The Independent, Friday 29 Jan 2010, Artsfilmusic section bl. 4
Eksterne skakels
wysig
Wikimedia Commons het meer media in die kategorie Daniel Barenboim.- (en) Daniel Barenboim se amptelike webtuiste
