Daniil Trifonof
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Daniil Olegowitsj Trifonof (Russies: Дании́л Оле́гович Три́фонов; gebore op 5 Maart 1991) is 'n Russiese pianis en komponis. The Globe and Mail het hom "waarskynlik vandag se voorste klassieke virtuoos" genoem [1]. Volgens The Times is hy "sonder twyfel die mees verstommende pianis van ons era".[2] Trifonof se eerbewyse sluit 'n Grammy toekenning (2018) in, sowel as die Gramophone Classical Music Awards se Kunstenaar van die Jaar-toekenning vir 2016. Hy het as solis opgetree saam met orkeste soos die New York Filharmoniese Orkes, Cleveland Simfonieorkes, Koninklike Filharmoniese Orkes, Londen Simfonieorkes, Mariinsky Teater-orkes, Koninklike Concertgebouw-orkes, Berliner Philharmoniker, San Francisco Simfonieorkes, Houston Simfonieorkes en die München Filharmoniese Orkes, en verskyn by die Royal Festival Hall, Carnegie Hall, John F. Kennedy Sentrum vir die Uitvoerende Kunste, Berliner Philharmoniker, Théâtre des Champs-Élysées, Concertgebouw en die Seoul Kunstesentrum.
Daniil Trifonof | |
|---|---|
| Geboortenaam | Daniil Olegowitsj Trifonof |
| Gebore | 05 Maart 1991 Nizjni Nowgorod, Sowjetunie (nou Rusland) |
| Beroep(e) | Pianis en komponis |
| Instrumente | Klavier |
| Webwerf | daniiltrifonov |
Trifonof het op 5-jarige ouderdom klavier begin leer. Hy het sy eerste solo-opvoering op die ouderdom van 7 gegee. In 2000 het hy onder Tatiana Zelikman aan die Gnessin Musiekskool in Moskou begin studeer. Trifonof het vanaf 2009 tot 2015 onder Sergei Babayan aan die Cleveland Musiekinstituut studeer. In 2011 het hy die eerste prys en die Grand Prix tydens die Internasionale Tsjaikofski-kompetisie gewen, bykomend tot eerste prys tydens die Arthur Rubinstein Internasionale Klavier-meesterkompetisie. In 2010 was hy 'n pryswenner tydens die Internasionale Chopin-klavierkompetisie. In 2013 het Trifonof 'n opnamekontrak geteken met DG. Sy eerste album vir die plaatetiket, 'n regstreekse opname van sy solo debuutopvoering by Carnegie Hall, is genomineer vir 'n Grammy toekenning vir Beste Klassieke Instrumentale Solo Opvoering. Hy het in 2018 'n Grammy gewen vir sy opname van die volledige études vir klavier deur Liszt. Sy albums het verskyn op internasionale speellyste, met sewe wat op die Billboard-tydskrif se Top Klassieke Album-Speellys verskyn het.
Verwysings wysig
- ↑ "Russian pianist Daniil Trifonov is the anti-virtuoso in an age of virtuosos" (in Engels). Geargiveer vanaf die oorspronklike op 14 Maart 2018. Besoek op 21 November 2018.
- ↑ Huizenga, Tom. "Daniil Trifonov: Tiny Desk Concert" (in Engels). Geargiveer vanaf die oorspronklike op 22 November 2018. Besoek op 21 November 2018.