Dassault Mystère
Die Dassault Mystère is 'n Franse vegvliegtuig wat ontwikkel is uit die Ouragen en is hulle eerste straalvegvliegtuig. Dit ontwerp is ontleen van die Ouragen wat met swiepvlerke en groter stertvlerke toegerus is. Dit was een van die eerste swiepvlerk vegters in produksie in Wes-Europa en is in diens gestel tussen 1954 en 1956. Dit is aangedryf deur die SNEC-MA Atar motor, die eerste Franse turbostraal motor vir militêre gebruik.
| Dassault Mystère | |
|---|---|
 | |
| Tipe | Vegvliegtuig/bomwerper |
| Vervaardiger | Dassault Aviation |
| Nooiensvlug | 23 Februarie 1951 |
| Bekendstelling | 1954 |
| Onttrek | 1963, Frankryk |
| Status | Onttrek |
| Hoofgebruiker | Franse Lugmag |
| Vervaardig | 1951–1957 |
| Aantal gebou | 171 |
'n Mystère IIA was die eerste Franse vliegtuig wat deur die klankgrens gebreek het tydens 'n duikvlug op 28 Oktober 1952. Die Franse Lugmag het 150 Mystère IIC modelle bestel waarvan die laaste in 1957 afgelewer is. Teen die tyd was die vliegtuig verouderd en net vir gevorderde opleiding tot in 1963 gebruik.
Teen die tyd dat die Mystère in diens gestel is het die Mystère IV reeds gevlieg. Die Mystère IV was 'n nuwe vliegtuig wat weinig in gemeen gehad het met die Mystère II. Die romp was ovaalvormig, die vlerke was dunner met 'n groter hoek en die stertvlerk was nuut. Die eerste prototipe het in September 1952 sy nooiensvlug voltooi, aangedryf deur 'n Hispano vervaardigde Rolls-Royce Tay 250 motor asook die eerste tien eenhede. Latere vliegtuie was aangedryf deur die Hispano-Suiza Verdon motor. Die kontrak vir 225 Mystère IVA's was gefinansieer deur die VSA as deel van NAVO se Militêre Ondersteunings Program. Die eerste produksie Mystère IVA het in Mei 1954 gevlieg en is in diens gestel in 1955 deur die Franse Lugmag. Hier het dit tot in 1963 as frontlinie vegvliegtuig diens gedoen en het gedien as opleidings vliegtuie tot in 1980.
Sestig Verdon aangedrewe IVA's is aan Israel verkoop en die eerste groep van 24 is in April 1956 afgelewer. Hulle was net betyds vir die Oktober oorlog en in die hande van vaardige Israeli vlieëniers het hulle nie teruggestaan vir die Egiptiese MiG-15's nie. Die Indiese lugmag het ook 110 Verdon aangedrewe IVA's gekoop en die eerstes was afgelewer in 1957. Hulle was gebruik in 'n ondersteuning's rol in die 1965 oorlog tussen Indië en Pakistan.
Super Mystère wysig
Die Super Mystère was die hoogtepunt in die ontwikkeling van die Mystère. Dit was in wese 'n nuwe vliegtuig, dit was groter en swaarder as die vorige modelle en was die eerste produksie Europese vegvliegtuig wat supersoniese snelhede kon bereik. Die eerste prototipe het in Maart 1955 gevlieg en het swiepvlerke van 45° gehad. Dit het op sy tweede dag in 'n gelyk vlug Mach-1 oorskry. Daar was 180 Super Mystère's gebou vir die Franse Lugmag waarvan die laaste in 1959 afgelewer was. Hul rol was verander na opleiding nadat die Mirage III in diens gestel is. Hulle is eers in 1977 uit diens gestel.
In 1958 was 36 Super Mystère's verkoop aan Israel wat dit gebruik het teen die MiG-19. In die vroeë sewentigs het die Israeli's die vliegtuig opgradeer en hulle toegerus met 'n Pratt & Whitney J52-P8A motor sonder nabrander. Twaalf van dié vliegtuie was weer verkoop aan Honduras wat hulle tot in 1989 bedryf het.
Tegniese besonderhede wysig
| Item | Statistiek |
|---|---|
| Aantal motors | 1 |
| Tipe motor | Straalmotor |
| Vervaardiger | Hispano-Suiza Verdon turbostraal. |
| Kraglewering per motor | 3 500 kg stukrag |
| Vlerkspan | 11,12 m |
| Lengte | 12,85 m |
| Hoogte | 4,6 m |
| Vlerkoppervlakte | 32,0 m2 |
| Normale opstygmassa | 9 500 kg |
| Maksimum snelheid | 1 120 km/h |
| Operasionele hoogte | 15 000 m |
| Togafstand | 912 km |
| Klimvermoë | 2 700 m per minuut |
| Bewapening | Twee 30 mm kanonne twee 454 kg bomme of 12 vuurpyle. |
Sien ook wysig
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9