David Kross

David Kross (Duits: David Kroß; gebore 4 Julie 1990 in Bargteheide, Sleeswyk-Holstein) is 'n Duitse akteur.

David Kross
Davied Kross in 2015.
Geboortenaam	David Kroß
Geboorte	4 Julie 1990 Bargteheide, Sleeswyk-Holstein
Nasionaliteit	Duits
Beroep(e)	Akteur
Rolprente	The Reader
Internet-rolprentdatabasis-profiel

Sy debuutverskyning was in Hilfe, ich bin ein Junge (Afrikaans: Hulp, ek is 'n seun) in 2002. Hy het die hoofrolle in Knallhart (2006) en Krabat (2008) vertolk. Hy het later die hoofrol in die rolprent The Reader (2008) gespeel. Sy karakter, Michael Berg, is 'n 15-jarige seun wat verlief raak op 'n 36-jarige vrou, Hanna Schmitz, in die naoorlogse Duitsland. In dié rolprent vertolk hy ook die rol van die 22-jarige Berg as 'n regstudent wat Hanna Schmitz se hofsaak bywoon. Alhoewel die meeste akteurs wat in The Reader gespeel het redelik ervare was, was hy tot op datum nog betreklik onbekend. Sy kennis van Engels was ook taamlik beperk sodat hy die taal moes aanleer vir sy rol in hierdie prent, wat heeltemal in Engels verfilm is.

Eksterne skakels

• Wikimedia Commons het meer media in die kategorie David Kross.
• Internet-rolprentdatabasis-profiel (en)