Dawid Roux
Suid-Afrikaanse fotograaf
Dawid Roux (gebore 1959 in Lichtenburg) is 'n Suid-Afrikaanse fotograaf.
In 1982 begin hy by Beeld, 'n Media24 oggendkoerant in Suid-Afrika, as 'n leerlingfotograaf te werk. Hy word in 1998 as Beeld se hooffotograaf aangestel, in 2003 as fotoredakteur by Beeld en in 2009 as nasionale fotoredakteur van Foto24.
Hy was ook in 2009 'n stigterslid van Foto24, 'n foto-agentskap van Media24 wat hoofsaaklik sorg vir die fotobehoeftes van Rapport, Beeld, Die Burger en Volksblad.
In 2011 word hy fotoredakteur van Sondag en Scoop koerante. Hy verlaat Media24 in 2014 en begin sy eie fotografiebesigheid.
