De Beer-broers

Diedrich Arnoldus en Johannes Nicolaas de Beer was twee broers wat die plaas, Vooruitzight, oorspronklik besit het waarop diamante in Mei 1871 ontdek is en gelei het tot die stigting van Kimberley en die De Beersmaatskappy. Hulle het die plaas in 1860 gekoop vir £ 50 en later vir £ 6,000 verkoop. Na die ontdekking van die eerste diamant het die werklike groot ontdekking gevolg toe 'n arbeider 'n paar diamante op die nou bekende Colesbergkoppie gevind het in Julie 1871. Die eerste diamantmyn op die plaas het eers as Old De Beers bekend geraak en in 1874 amptelik as die De Beersmyn. Alhoewel beide die myn en die maatskappy hulle naam dra, was hulle glad nie verbonde aan enige van die twee organisasies nie.

Bronne

• Ensiklopedie van Suidelike Afrika, Eric Rosenthal, 1967.
• Die ontdekking van Rykdom Diko van Zyl. 2013 ISBN 978 1 86806 343 7