Deborah Bell
Deborah Bell (1957-) is ’n Suid-Afrikaansgebore beeldhouer, skilder, afdrukmaker en animasietekenaar wie se werk internasionaal bekend is.[1] Sy was by verskeie histories belangrike projekte betrokke, onder meer die “Hogarth in Johannesburg”-reeks. Haar werk het ’n spirituele inslag waarin geheue — persoonlik en kollektief (in Suid-Afrika en Afrika) — temas is.[2]
Beknopte biografie wysig
Deborah Bell is in 1957 in Johannesburg gebore. In 1975 verwerf sy 'n graad in die Beeldende Kunste aan die Universiteit van die Witwatersrand en in 1986 'n Magister Artium-graad aan dieselfde universiteit.
Sy begin haar loopbaan in 1982 en het talle solo- en groepuitstallings in Suid-Afrika en in die buiteland gehou. Van 1983 tot 1989 het sy lesings by verskeie instansies aangebied, insluitende die Universiteit van die Witwatersrand en die Universiteit van Suid-Afrika. Sy het omvattend deur Afrika, Noord-Amerika en Europa gereis en het in 1986 vir twee maande by die Cité Internationale des Artes in Parys gewerk. Van 1986 tot 1997 was sy saam met die Suid-Afrikaanse kunstenaars William Kentridge en Robert Hodgins by verskillende projekte betrokke. In 1997 vervaardig hulle 'n reeks beelde van Alfred Jarry en William Hogarth se werke. Hierdie drie kunstenaars het ook rekenaaranimasie geskep.[3]
Bell het verskeie toekennings ontvang en haar werk kan in talle openbare en private versamelings oor die wêreld gevind word.
Verwysings wysig
- ↑ "Deborah Bell se profiel op bekrisgallery.com". Geargiveer vanaf die oorspronklike op 29 Oktober 2013. Besoek op 26 Desember 2016.
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ La loro collaborazione più recente è intitolato Ubu and the Truth Commission, e propone una riflessione sulla Commissione Verità e Riconciliazione che era stata istituita in Sud Africa per affrontare i crimini dell' apartheid. Collaborazioni 1986–1997, presso la Galleria d'Arte di Johannesburg, ha celebrato le loro creazioni comuni.