Delphi-tegniek

Die Delphi-tegniek is die stelselmatige versameling van deskundige menings/inligting om in voorspellings te gebruik. Groepe kom nie van aangesig tot aangesig bymekaar nie. Hierdie tegniek word gebruik om algemene probleme op te los waar daar verskuilde agendas of persoonlike konflik is. Deelnemers werk alleen om oplossings vir die probleem te identifiseer. Hulle skryf dit neer en dien dit naamloos in. 'n Onbevooroordeelde waarnemer vergelyk hierdie idee] en hersirkuleer dit. Die proses word herhaal totdat 'n oplossing bereik word waarmee almal saamstem. Die produkontwikkelingsbestuurder van 'n voorste kleremaatskappy kan hierdie tegniek gebruik om inligting onder deskundiges te versamel en só nuwe kleremodes vir tieners voorspel.

Die produkontwikkelingsbestuurder is die sentrale figuur. Hy wil die insette van die deskundiges hê. Hy ontwikkel eerstens 'n vraelys wat hulle moet voltooi — eenvoudige vrae. Tweedens som hy die antwoorde op en gee terugvoer in die vorm van nóg 'n vraelys. Hierdie siklus kan herhaal word om ál die inligting, wat die produkontwikkelingsbestuurder nodig het, in te win.

Sien ook

• Delphi

Bronnelys

• Dinamiese Bedryfstudies deur Esterhuyse · Horn · Liebenberg, Kagiso, 2005