Denel 35mm-dubbeldoelkanon
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Denel 35mm-dubbeldoelkanon is 'n nabybeveiligingstelsel vir oorlogskepe wat deur Denel Land Systems in Suid-Afrika vervaardig word. Dit doen tans diens op die Valourklas-fregatte van die Suid-Afrikaanse Vloot.
 Denel 35mm kanon op 'n Valourklas-fregat van die Suid-Afrikaanse Vloot. | |
| Tipe | Skeepsnabybeveiligingstelsel |
|---|---|
| Oorsprong |  Suid-Afrika |
| Diensgeskiedenis | |
| In gebruik | In gebruik sedert 2005 |
| Gebruik deur | Suid-Afrika |
| Produksiegeskiedenis | |
| Ontwerper | Lyttelton Engineering Works (Denel) |
| Vervaardiger | Denel Land Systems |
| Spesifikasie | |
| Massa | 5500 kg (sonder ammunisie) 6500 kg (met ammunisie) |
| Lengte | 5.4 m (toring met lope) |
| Looplengte | 3.15 m (90 kal) |
| Wydte | 2.9 m (toring) |
| Hoogte | 2.3 m (toring) |
| Bemanning | Geen |
| Rondte | 35×228mm NAVO |
| Kaliber | 35mm |
| Lope | 2 |
| Aksie | gasaksie |
| Righoek | -10° to +85° |
| Rigbaan | 360° (onbeperk) |
| Vuurtempo | 2×550 rpm |
| Trompsnelheid | 1175 m/s |
| Normale vuurafstand | 4000 m (lugteiken) |
| Maksimum vuurafstand | 6000 m (oppervlakteiken) |
| Voermetode | Band 2×240 rondtes (een band vir elke kanon) |
| Radar en/of Optronic (IR en Sigbaar) | |
Funksie
wysigDie kanon se primêre rol is om die skip teen 'n aanval deur helikopters, vliegtuie of missiele te verdedig. Dit het 'n sekondêre rol teen oppervlakskepe en landteikens, beide in simmetriese en asimmetriese oorlogvoering en ook in wetstoepassing waar akkuraatheid van kritieke belang is omrede kollaterale skade onaanvaarbaar mag wees.[1]
Ontwerp
wysigDie stelsel bestaan uit twee GA35 snelvuur outomatiese kanonne langs mekaar gemonteer in 'n onbemande lae-radarwaarneembare toring. Teikenverkryging is deur die skip se eie soek-en-spoorradar, terwyl 'n Optronic spoorstelsel met infrarooi- en sigbare spektrummodes vuurbeheer lewer. 'n Beheerkonsole is in die skip se bedryfskamer geleë, hoewel die stelsel vol-outomaties funksioneer in die lugverdedigingsmodus.
'n Noodbeheerpaneel is op die agterkant van die toring aangebring.[2] Die toring dring nie die dek binne waarop dit gemonteer is nie. Op die Valourklas fregatte is dit op die helikopterloods se dak gemonteer.[1] Die toring is ten volle selfversorgend en vereis slegs 'n elektriese toevoer en 'n radardatavoer van die skip se gevegsbestuurstelsel en beheerkonsole.
Die toring is in staat om 'n onbeperkte volle sirkel te deurkruis teen 70° per sekonde en klim van minus 10° (onder) tot 85° (bo) teen tot 40° per sekonde.[1] Rekenaars in die toring doen al die ballistiese berekeninge en vuurbeheer. Die stelsel vereis slegs teenwoordige tyd-driedimensionele teikeninligting van die skip se gevegsbestuur- en spoorstelsels.
Die hoë vlak van selfversorging, kompakte grootte en ligte massa maak installasie moontlik op 'n wye verskeidenheid van skepe van so klein as 200 ton.
Ammunisie
wysigDie kanonne vuur die volle omvang van NAVO se standaard 35×228 mm ammunisie; HEI, HEI-T, SAPHEI, APCI-T, Prac en Prac-T; almal vervaardig deur Rheinmetall Denel Munition se PMP-afdeling in Pretoria-Wes.[2]
Teenmissiel
wysigIn die teenmissielrol gebruik dit Advanced Hit Efficiency And Destruction (AHEAD)-ammunisie van RWM Schweiz AG.[3] Hierdie rondtes stel 152 tungstenprojektiele na buite vry, op 'n voorafbepaalde afstand tussen 40 en 10 m vanaf die teiken. Dus produseer 'n 25-rondte sarsie van AHEAD-rondtes 3800 van hierdie klein projektiele wat dan die inkomende missiel vernietig.[4] Kruisermissiele kan vernietig word op 2.5 km en 'n hoëspoedmissiel op 1.5 km afstand.[2]
Die stelsel se missielafweervermoë word verder verbeter deur die toevoeging van Denel se geslotelus-vuurregstellingstelsel, wat projektiele al die pad na die teiken volg. Dit maak voorsiening vir teenswoordige tyd-regstellings van vooroordeelfoute in die stelsel en vergoed ook vir atmosferiese toestande.[1]
Sien ook (later)
wysig- Oerlikon Millennium 35 mm Naval Revolver Gun System — vergelykbare Duits-Switserse stelsel.
Verwysings
wysig- ↑ 1,0 1,1 1,2 1,3 "Fact file: Denel 35mm Dual Purpose Gun". DefenceWeb. 15 Februarie 2010. Besoek op 18 Junie 2012.
- ↑ "09/21/2010: The Oerlikon Ahead ammunition technology for the South African Defence Forces – a reliable answer to the RAM threat". Rheinmetall Defence. 21 September 2010. Geargiveer vanaf die oorspronklike op 2 Maart 2012. Besoek op 18 Junie 2012.
- ↑ "35 x 228 RWM AHEAD / KETF ammunition (Switzerland) - Jane's Ammunition Handbook" (in Engels). Janes.com. 24 Maart 2009. Geargiveer vanaf die oorspronklike op 12 Maart 2011. Besoek op 18 Junie 2012.
Eksterne skakels
wysig- DLS 35mm-dubbeldoelskeepskanon Geargiveer 14 Desember 2010 op Wayback Machine — Vervaardiger se amptelike webplek.