Vlieënde lemurs
Vlieënde lemurs of kolugo's (Dermoptera) is 'n soogdierorde wat tot die superorde Euarchontoglires behoort.
| Dermoptera | |
|---|---|
,_Singapore_Zoo_-_20100316.jpg)
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Superorde: | Euarchontoglires
|
| Orde: | Dermoptera Illinger 1811
|
Hulle is naverwant aan die Primate.
Daar word gewoonlik net een familie met twee spesies erken:[1]
- Fam. Cynocephalidae
- Die Filippynse kolugo Cynocepahus volans
- Die Soenda-kolugo Galeopterus variegatus
C. Volans kom net op die suidelike Filippyne voor, G. variegatus het 'n groter voorkomsgebied wat Indo-China, Malakka, Borneo, Sumatra, Java en party kleiner eilande omvat. Dit is egter moontlik dat dit nie een spesie is, maar dalk verdeel moet word in party afsonderlike spesies.
Kolugo's is heeltemal arboreaal: hulle leef in die bome en op die grond is hulle baie hulpeloos. Hulle het 'n vlies wat die toppe van hul vingers en tone met hulle stert verbind en waarmee hul van die een na die ander boomstam kan sweef. Die sweeftog kan 100 m bereik sonder om baie hoogte te verloor. Hulle is nagdiere wat veral blare, knoppe, blomme en vrugte vreet.[2] Hulle kry net een kleintjie wat taamlik onderontwikkeld is en met mama meereis. Die Filippynse arend Pithecophaga jefferyi jag op hulle en 90% van wat hy vreet is kolugo's.[3]
Verwysings
wysig- ↑ "Skulls united" (in Engels). Geargiveer vanaf die oorspronklike op 25 Junie 2017.
- ↑ "eol" (in Engels). Geargiveer vanaf die oorspronklike op 4 Augustus 2018. Besoek op 5 Januarie 2017.
- ↑ "Adlaya's animals" (in Engels). Geargiveer vanaf die oorspronklike op 23 Augustus 2017.