Portier
(Aangestuur vanaf Deurwagter)
'n Portier is iemand wat die ingang van 'n gebou of terrein bewaak en die deur vir in- en uitgaande besoekers oophou. Die woord is afgelei van "poort" (deurgang), daarom word 'n portier ook soms 'n poortwagter of deurwagter genoem.
Portiers het oorspronklik die poorte van kloosters, paleise of ander groot geboue oopgemaak en gesluit. Vandag word portiers veral voor prestige hotelle en kantoorgeboue aangetref. Hulle help ook soms om inligting aan gaste te verskaf, bagasie rond te karwei of vervoer te organiseer (teksies se roep). Portiers word ook soms ingespan om die veiligheid van besoekers by kroeë en ander vermaaklikheisplekke te verseker en toegangsbeheer toe te pas.
