Diane Ackerman

Diane Ackerman (gebore op 7 Oktober 1948 in Waukegan, Illinois, VSA) is ‘n Amerikaanse skryfster wie se werk dikwels haar belangstelling in die natuurwetenskappe reflekteer. Ackerman het gestudeer aan die Pennsilvanië-Staatsuniversiteit (B.A., 1970) en Cornell in Ithaca, New York. (M.F.A., 1973; M.A., 1976; Ph.D., 1978). Sy het van 1980 tot 1983 Engels gegee aan die Universiteit van Pittsburgh in Philadelphia. Van 1984 tot 1986 het sy aan die hoof gestaan van 'n skryfprogram. Sy was die inwonende skrywer aan Washington-universiteit in St. Louis, Missouri. Later was sy 'n bydraer tot die The New Yorker (1988–94).

Diane Ackerman
Gebore	7 Oktober 1948 (1948-10-07)
Nasionaliteit	Amerikaans
Beroep	Outeur
Webwerf	www.dianeackerman.com

Ackerman se fassinasie met die natuur en wetenskap word in baie van haar werk op die spits gedryf. Sy beskou aminosure en kwasars net soveel soos enigiets anders in die heelal binne die sfeer van poëtiese ondervinding. Ackerman het aanvanklik haar poësie in die bundel Poems (1973 gepubliseer (saam met Jody Bolz en Nancy Steele). In The Planets: A Cosmic Pastoral (1976) het sy gebruik gemaak van die tyd wat sy saam met ruimtewetenskaplikes spandeer het by Cornell, terwyl latere werke soos Jaguar of Sweet Laughter: New and Selected Poems (1991) verwysings bevat na haar literêre invloede sowel as gedagtes op die natuurlike wêreld. Ackerman het ook bygedra tot Beyond the Map (1995), wat vroulike verkenning vier. In I Praise My Destroyer (1998) het sy gedigte gepubliseer wat die positiewe en negatiewe aspekte van die menslike bestaan versoen. Die gedigte in Origami Bridges (2002) spruit voort uit haar ondervinding in psigoterapie.

Ackerman het 'n reeks van nege radioprogramme onder die titel Ideas into the Universe (1975) vir die Kanadese uitsaaikorporasie geskryf en was ook 'n bydraer tot Other Worlds (1975) deur Carl Sagan. Sy het ook Twilight of the Tenderfoot: A Western Memoir' (1980) en die toneelstuk Reverse Thunder (1988) geskryf. Ackerman se memoirs, On Extended Wings (1985), is in 1987 vir die verhoog verwerk. Latere boeke soos A Natural History of the Senses (1990), A Natural History of Love (1994), en An Alchemy of Mind: The Marvel and Mystery of the Brain (2004), kombineer wetenskaplike en biografiese skryfwerk om die verhouding tussen die sielkundige en serebrale wêrelde te verlig. The Moon by Whale Light, and Other Adventures Among Bats, Penguins, Crocodilians, and Whales (1991) is 'n kroniek van sommige van Ackerman se onvergeetlike verkennings, terwyl Cultivating Delight (2002) die mikrokosmos van haar tuin ondersoek.

Ackerman, wat dikwels op wetenskap en die natuur in haar skryfwerk fokus, beperk haarself egter nie slegs tot die onderwerpe nie. In 1997 het sy A Slender Thread: Rediscovering Hope at the Heart of Crisis geskryf, wat haar ondervindinge beskryf toe sy as berader gewerk het by 'n selfmoordvoorkomings – en krisissentrum in Bo-New York. The Zookeeper's Wife (2007) is gebaseer op die ware verhaal van hoe die eienaars van 'n dieretuin in Nazi-besette Warskou daarin geslaag het om honderde Jode weg te steek.

Geselekteerde bibliografie

The Great Affair

The great affair, the love affair with life,
is to live as variously as possible,
to groom one's curiosity like a high-spirited thoroughbred,
climb aboard, and gallop over the thick, sun-struck hills every day..

It began in mystery, and it will end in mystery,
but what a savage and beautiful country lies in between.

Poësie

• The Planets: A Cosmic Pastoral (1976)
• Wife of Light (1978)
• Lady Faustus (1983)
• Reverse Thunder (1988)
• Jaguar of Sweet Laughter: New and Selected Poems (1991) ISBN 9780307763389
• I Praise My Destroyer (1998) ISBN 9780307763372
• Origami Bridges (2002)

Niefiksie

• Twilight of the Tenderfoot (1980)
• On Extended Wings (1985)
• A Natural History of the Senses (1990) ISBN 9780307763310
• The Moon by Whale Light, and Other Adventures Among Bats and Crocodilains, Penguins and Whales (1991)
• A Natural History of Love (1994) ISBN 9780307763327
• The Rarest of the Rare (1995)
• A Slender Thread (1997) ISBN 9780307763365
• Deep Play (1999) ISBN 9780307763334
• Cultivating Delight (2002)
• An Alchemy of Mind: The Marvel and Mystery of the Brain (2004)
• The Zookeeper's Wife: A War Story (2007) ISBN 9780393069358
• Dawn Light: Dancing with Cranes and Other Ways to Start the Day (2009)
• One Hundred Names for Love: A Stroke, a Marriage, and the Language of Healing (2011) ISBN 9780393341744
• The Human Age: The World Shaped By Us (2014) ISBN 9781443423014

Kinderboeke

• Monk Seal Hideaway (1995)
• Bats: Shadows in the Night (1997)
• Animal Sense (poetry), illustrated by Peter Sis. (2003) ISBN 9780375923845