Die Slag van Anghiari (Leonardo)
Die Slag van Anghiari (1505) is 'n verlore skildery deur Leonardo da Vinci. Daar word soms na die skildery as "die verlore Leonardo" verwys en sommige kunsgeskiedkundiges glo dat die skildery onder latere fresko's in die Saal van Vyfhonderd in die Palazzo Vecchio in Florence is. Die sentrale toneel van die skildery beeld 'n hewige stryd tussen twee mans op oorlogsperde uit.
'n Soortgelyke skildery deur Peter Paul Rubens kan in die Louvre in Parys gesien word. Daar word geglo dat Rubens se skildery 'n kopie van Leonardo se eie kopie van die skildery is. Rubens se weergawe is in 1603 geskep en daar is 'n aantal verskille tussen sy skildery en Leonardo s'n (afgelei uit sketse wat Leonardo ter voorbereiding gemaak het).
