Dingaan se fontein
Koning Dingaan se fontein is volgens Zoeloe-oorlewering die bron waaruit Dingaan sy drinkwater laat skep het.[1][2]
Die Mtonjaneni-bron lê digby die Mthonjaneni Lodge, 20 km noord van Melmoth langs die R66-pad na Ulundi en Vryheid.
Dit was Zoeloegebruik dat hul koning die onbetwiste reg gehad het op skoon drink- en badwater. Water was dikwels besoedel weens die baie mense en beeste by die koninklike kraal. In die tyd van Dingaan was die fontein by Mthonjaneni (“by die fontein”) so ‘n onbesoedelde bron. Elke dag het ‘n groep bevoorregte meisies onder die wakende oog van impi’s die 8 km van Dingaanstat (uMgungundlovu) na die fontein gestap om hul kleipotte met vars water te vul en dan weer teruggestap om die water by die koning se kraal af te lewer.