Dinge Van 'n Kind

Dinge Van 'n Kind is 'n Afrikaanse dramareeks wat op KykNET, DStv kanaal 144 uitgesaai word.

Dinge Van 'n Kind
Genre	Drama
Geskryf deur	Elanie Rupping Henriëtta Gryffenberg
Geregisseer deur	Quentin Krog Zandré Coetzer Tinarie van Wyk Loots
Oorsprong	Suid-Afrika
Taal	Afrikaans
Aantal seisoene	1
Aantal episodes	10
Produksie
Produksiemaatskappy	Nagvlug Films
Uitsending
Oorspronklike kanaal	kykNET
Beeldformaat	HD
Oorspronklike lopie	10 Mei 2022

Die reeks word Dinsdagaande om 20:00 uitgesaai.

Die reeks is gegrond op Die dinge van ‘n kind, uit die pen van die bekroonde skrywer Marita van der Vyver.

In dié reeks van tien episodes ontmoet kykers vir Mart Vermaak. Die ontnugtering van haar grootwordjare vind plaas teen die politiese agtergrond van die onstuimige laat 1970’s, terwyl ’n ouer Mart haarself in ’n ontnugtering van ’n ander aard bevind.

Produksie

In die roman Die dinge van ’n kind leer lesers Mart sowel as tiener en as ’n vrou in haar dertigs ken wat as ’n expat in Londen woon. In die TV-reeks ontmoet kykers egter ook ’n heelwat ouer Mart wat haar weer in Suid-Afrika gevestig het. Van der Vyver is entoesiasties oor die TV-reeks: “My boeke is al voorheen in toneelstukke en rolprente verander, maar dis die eerste keer dat een van my romans ’n TV-reeks word. Ek voel so opgewonde soos enige eerste keer selfs ’n ou skrywer soos ek kan laat voel.”

Die boek Die dinge van ’n kind het in 1994 verskyn. Daar was reeds twee oplae van die eerste hardebanddruk en daarna ongeveer drie oplaes van die sagtebanddruk tussen 2005 en 2011, en ’n nuwe sagtebanddruk in 2016. Dit is ook al in Engels, Nederlands en Duits vertaal.

Die dramaturg Harry Kalmer het in die 1990’s die boek in ’n gelyknamige opvoering vir die KKNK verwerk. Dit is ook in 2019 in ’n eenvrouvertoning omskep met Cintaine Schutte wat die rol van Mart vertolk. Die teks vir hierdie weergawe is deur Francois Toerien geskryf en Alexa Strachan was die vervaardiger.

Die temas wat fyn deur die boek en teaterstuk verweef is, vorm ook die ruggraat van die TV-reeks. Schutte het in ’n onderhoud met die webwerf LitNet oor die eenvrouvertoning gesê: ‘“Hoewel Die dinge van ’n kind in die 1970’s afspeel, is dit steeds relevant in vandag se tye. Dit vang temas van tienerskap, hormone en grootwordjare, asook vriendskap vas. Ek dink die grootste vraag wat almal vir hulleself vra en wat ook in die boek en teaterproduksie voorkom, is: ‘Wie is ek en waar hoort ek?’  

“Ek het nie in die 1970’s grootgeword nie; ek was nog ’n kind in die 1990’s, maar nadat ek die boek gelees het, het ek besef dit maak nie saak of jy ’n tiener in die 1970’s was nie en of jy eendag in 2085 ’n tiener is nie – jy gaan deur dieselfde goed.”

Dinge van ’n kind is deur Nagvlug Films vervaardig. Hulle is ook die vervaardiger van Wonderlus, Skemerdans, Nêrens en Noord-Kaap. Elanie Rupping en Henriëtta Gryffenberg het die draaiboek geskryf.

Rolverdeling

Verlede:

• Melissa Myburgh - Mart
• Mienke Elhers - Dalena
• Jana Kruger - Marlene
• Andahr Cotton - Simon
• Augusta Zietsman - Suna
• Ben Albertyn - Pierre Malan
• André Weideman - Karel
• Méla Swanepoel - Liefie
• Liam Bosman - Ben
• Wesley Smit - Niel
• Wynand Ferreira - Pine

Hede:

• Susanne Beyers - Mart
• Ludwig Binge - Pierre
• Kim Syster - Janine
• André Roothman - Thomas

Episodes

| showblankpositional = 1 | caption | country | dontclose | episodesT | id | multiseries | network | network_transclude | released | seasonT | series | seriesT | width | regexp1 = aux[%u] | regexp2 = aux[%u][%d]+[%u]? | regexp3 = aux[%u][%d]+[%u]?span | regexp4 = color[%d]+S?[%u]? | regexp5 = end[%d]+S?[%u]? | regexp6 = episodes[%d]+S?[%u]? | regexp7 = info[%u] | regexp8 = info[%u][%d]+S?[%u]? | regexp9 = info[%u][%d]aca+span | regexp10 = info[%u]span[%d]+S | regexp11 = info[%u]_transclude | regexp12 = linkR[%d]+S? | regexp13 = linkT[%d]+S?[%u]? | regexp14 = link[%d]+S?[%u]? | regexp15 = network[%d]+S?[%u]? | regexp16 = network[%d]+[%u]?span | regexp17 = part[%d]+S? | regexp18 = postaux[%u] | regexp19 = postaux[%u][%d]+[%u]? | regexp20 = postaux[%u][%d]+[%u]?span | regexp21 = start[%d]+S?[%u]? | regexp22 = released[%d]+S?[%u]? }}

Seisoen 1 (2022)

Nr. overall	Nr. in reeks	Titel	Oorspronklike uitsendingsdatum
1	1	"Jy Sal Fun Hê Langs Die Pad"	10 Mei  2022 (2022-05-10)
Mart is eensaam en verveeld in 'n nuwe koshuis, tot sy haar kamermaat ontmoet. Janine karring dat Pierre sy ma moet vertel oor hulle emigrasie, maar hy ontdek 'n ou brief en iets klop nie.
2	2	"Nights in White Satin"	17 Mei  2022 (2022-05-17)
Mart en Dalena kuier met Simon en sy vreemde vriend - Dalena is oombliklik verlief. Janine is emosioneel voor Mart, wie dit interpreteer as 'n teken vir ernstige intervensie.
3	3	"Dis Nog Altyd Dieselfde Oorlog"	24 Mei  2022 (2022-05-24)
Die meisies beplan 'n skelm naweek Pretoria toe, maar Dalena reken sy benodig voorsorg. Pierre en Janine se reisplanne word op 'n effense halt gesit terwyl Ma Mart tob oor Londen.
4	4	"Goed, Julle Het My"	31 Mei  2022 (2022-05-31)
Mart is bekommerd oor Dalena. Pierre en Janine besef dat hulle opinies oor kinders grootmaak verskil en Mart moet vrede maak met 'n harde realiteit.
5	5	"Alles Is Onder Beheer"	7 Junie  2022 (2022-06-07)
Mart help vir Dalena om 'n grootment-besluit te maak soos sy vrees vir die ergste. Pierre en Janine kry 'n huis wat in hulle begrooting pas, maar dit kom met onverwagte voorwaardes.
6	6	"Geen Nut Om Mense Onnodig Te Onstel Nie"	14 Junie  2022 (2022-06-14)
Mart droom die Kersfeestyd verby soos Marlene haar kommer oor die grens probeer wegsteek. Pierre oorsteek persoonlike grense en sit vir Janine in 'n moeilike posisie.
7	7	"Deur 'n Spieël In 'n Raaisel"	21 Junie  2022 (2022-06-21)
Dis matriek jaar en Mart wag onrustig vir Dalena in hulle nuwe koshuis-kamer. Die realiteite van pa-word druk Pierre om verder uit te vis oor sy verlede.
8	8	"Hulle Sê Die Ergste Kom Nog"	28 Junie  2022 (2022-06-28)
Dalena se afwesigheid bring vir Suna en Mart nader aan mekaar, maar Simon sukkel. Pierre probeer vrede maak met sy ma, maar sy nooi impulsief 'n ou vriendin.
9	9	"Hello, Darkness, My Old Friend"	5 Julie  2022 (2022-07-05)
Suna hou 'n partytjie en spoor Mart aan om dit te probeer geniet, maar haar kop is by Dalena. Pierre is in verwondering soos Mart haar stories deel.
10	10	"Almal Moet Sien Wat Hier Gebeur"	12 Julie  2022 (2022-07-12)
Simon deel met Mart oor die baba, maar wanneer sy die tehuis bel, is Dalena skoonveld. Pierre en Janine se laaste dag in die Kaap stuur hulle op 'n finale avontuur.