Marita van der Vyver

Afrikaanse skrywer

Marita van der Vyver (gebore 6 Mei 1958 in Kaapstad) is 'n Afrikaanse skrywer.

Marita van der Vyver
Gebore6 Mei 1958
NasionaliteitSuid-Afrika
BeroepSkrywer
Bekend virBoeke
EggenootAlain Claisse
Kinders3 seuns, 1 dogter

Lewe wysig

Sy voltooi haar laerskoolloopbaan in Bellville en Welgemoed, hoërskool in Menlopark en Nelspruit. Daarna kry sy 'n studiebeurs om aan die Universiteit van Stellenbosch te studeer, waar sy in 1978 'n B.A.-graad verwerf. In 1979 voltooi sy 'n honneursgraad en later 'n meestersgraad in joernalistiek. Ná 'n paar jaar oorsee werk sy vir Die Burger as verslaggewer, as kopieskrywer by Leserskring, en daarna as artikelskrywer by Sarie. Haar eerste jeugverhaal is Van Jou Jas (1982), gevolg deur twee jeugboeke, Tien vir 'n vriend (1987) en Eenkantkind (1991).

Haar eerste roman vir volwassenes, Griet skryf 'n sprokie, het in 1992 verskyn. Die roman is bekroon met die ATKV-prys, die M-Net-boekprys en die Eugène Maraisprys. Dié boek is later vertaal in Engels, Nederlands, Duits, Frans, Italiaans, Spaans, Sweeds, Tsjeggies, Chinees en Hebreeus. Van der Vyver skryf daarna in 1994 'n roman, Dinge van 'n kind (1994). In 1997 skryf sy haar eerste boek vir jong kinders, Olinosters op die dak. Wegkomkans volg in 1999 gepubliseer en Griet kom weer in 2001. Haar nuutste jeugboek is Die ongelooflike avonture van Hanna Hoekom, terwyl Die hart van ons huis, waarin sy haar lewe in die Provence skets, in 2004 uitgegee word.

Van der Vyver woon sedert 1999 saam met haar Franse man en vier kinders op die Franse platteland.

Werke wysig

Prosa

  • Griet skryf ’n sprokie, 1992
  • Die dinge van 'n kind, 1994
  • Wegkomkans, 1999 (Heruitgawe, Protea Boekhuis, 2018)
  • Griet kom weer, 2001
  • Vergenoeg, 2003
  • Die hart van ons huis, 2004
  • Bestemmings /Short Circuits, 2005
  • Stiltetyd /Time Out, 2006 (Heruitgawe, Protea Boekhuis, 2019)
  • Franse briewe: Pos uit Provence, 2008
  • Dis koue kos, skat, 2010
  • Just Dessert, Dear, 2010
  • Die blou van onthou, 2012
  • Forget-me-not-Blues, 2012
  • 'n Fontein voor ons deur, 2013
  • A Fountain in France, 2013
  • Misverstand/You Lost Me, 2017
  • Grensgeval/Borderline, 2019[1]

Kosboeke

  • Winterkos in Provence/Winter Food in Provence, 2014

Bundels (essays, rubrieke en opiniestukke)

Kinder- en jeugboeke

  • Van jou jas, 1982
  • Tien vir ’n vriend, 1987
  • Eenkantkind, 1991
  • Olinosters op die dak / Rhinocephants on the Roof, 1996
  • Die ongelooflike avonture van Hanna Hoekom, 2002
  • Boomklim, 2004
  • Die simpel dinge wat mense mis, 2004
  • Hy bly my broer, 2005
  • Mia se ma / Mia’s Mom, geïllustreer deur Piet Grobler, 2005
  • The Hidden Life of Hanna Why, 2007
  • Die mooiste sprokies van Grimm, 2010
  • Sweemlesse met 'n meermin, 2015

Toekennings wysig

Die Tienie Hollowaymedalje vir Kleuterliteratuur is in 1997 aan haar toegeken vir die boek Olinosters op die dak. Die MER-prys is in 2000 aan haar toegeken vir kinderlektuur. Sy word in 2016 bekroon met die Scheepersprys van die Suid-Afrikaanse Akademie vir Wetenskap en Kuns vir die boek Swemlesse vir ’n meermin.[2]

Sien ook wysig

Verwysings wysig

  1. https://maritavandervyver.info/html/books/books.html Geargiveer 2 Desember 2019 op Wayback Machine URL Opgespoor en besoek op 21 November 2019
  2. "Die Raad van die Suid-Afrikaanse Akademie vir Wetenskap en Kuns: Bekronings 2016" (html). Litnet. 31 Maart 2016. Geargiveer vanaf die oorspronklike op 9 Oktober 2019. Besoek op 1 April 2016.

Bronne wysig

Eksterne skakels wysig