Dombolo
Dombolo (ook bekend as umbhako, ujeqe, dipapata in Setswana en rostile in isiXhosa) is 'n tradisionele Suid-Afrikaanse gestoomde brood of kluitjie. Dit is 'n gewilde stapelvoedsel in baie huise in Suid-Afrika. Die brood word voorberei in 'n houer wat in 'n pot kookwater geplaas word. Dit verskil van die tradisionele kluitjie in dié opsig dat dit met gis in plaas van bakpoeier berei word.[1] Daar is verskillende variasies van die gereg in Suid-Afrika. In die Zoeloekultuur word dombolo bo-op 'n bredie gekook eerder as op sy eie in 'n aparte pot. Daardie variasie van die gestoomde brood staan onder die Zoeloes as uJeqe bekend.[2] Dombolo word dikwels saam met verskeie bygeregte geëet, soos hoenderbredie, beesbredie, beesstertbredie, lamsbredie of pens.[3]
Dombolo kan met koekmeel gemaak word en bo-oor 'n bredie bedien word sodat dit die bredie se smaak aanneem.[4]
Verwysings
wysig- ↑ Biller, Hilary. "The great debate: are dombolo and dumplings the same thing?". TimesLIVE (in Engels). Besoek op 11 Julie 2021.
- ↑ "Ujeqe". Zola Nene (in Engels (VSA)). 2 September 2020. Besoek op 11 Julie 2021.
- ↑ "RECIPE | Make dombolo and more with The Lazy Makoti's versatile dough". TimesLIVE (in Engels). Besoek op 11 Julie 2021.
- ↑ Chiat, Jeniffer (23 Junie 2020). "Foodie's Guide to Dumplings around the World". Foodie Hong Kong (in Engels). Besoek op 11 Julie 2021.