Dramagebou, UP

Die Dramagebou op die Hatfieldkampus van die Universiteit van Pretoria was voorheen die woonkwartiere van die personeel van die Christian Brothers’ College (CBC). Dié gebou met sy pragtige argitektoniese pilare aan die vooraansig is in 1928 deur Cowin, Powers en Ellis van die firma Clark & Downie (Edms) Bpk gebou. Die Universiteit het die gebou in 1968 bekom en teen 1969 het dit verskeie departemente gehuisves insluitend Argeologie, Afrikatale en Antropologie. In 1982 het die gebou die tuiste van die Dramadepartement geword. Die gebou wat in 'n U-vorm gebou is, en toon elemente van die Neo-Romaanse styl. Dramastudente repeteer gereeld aan toneelstukke en opvoerings in die opelug binnehof van die gebou.