Maak hoofkeuseskerm oop
E.J.M Fraser

Eleanor Johanna Moir Fraser (*1902, McGregor Robertson - † 11 September 1971, Uitenhage) was ’n Afrikaanse skrywer, wat onder haar eie naam en verskeie skuilname kinder- en jeugverhale en romans geskryf het. Sy het onder meer onder die skuilname Okkert Bosman en P.J. Rademeyer geskryf.

Lewe en werkWysig

Eleanor Johanna Moir Fraser is in 1902 op McGregor naby Robertson gebore, waar haar pa (Walter Moir Fraser) die skoolhoof was en sy ook skoolgaan. Haar moeder is Aletta Catharina Rousseau en haar susters S.E. Fraser en A.C. Sparks word ook skryfsters.[1] Op skool in McGregor bedryf sy as redakteur saam met ’n paar skoolmaats ’n skoolweekblad. Sy bekwaam haar as onderwyseres in die opleidingskole op Grahamstad en Stellenbosch en hou skool terwyl sy talle romans skryf. In 1923 trou sy met John William Rautenbach, maar sy skryf vir die res van haar lewe onder haar nooiensnaam. Die egpaar het vier kinders. Sy bly in Uitenhage, waar sy op 11 September 1971 oorlede is.[2]

SkryfwerkWysig

Reeds in haar kinderjare is sy lief om stories te vertel.

VervolgverhaleWysig

Sy is die skrywer van die heel eerste vervolgverhaal wat in Sarie Marais gepubliseer word, naamlik Die liefde bedek alles, hoop alles…

RomansWysig

Hierna publiseer sy verskeie romans en vervolgverhale, waarvan Verre horison ook in Sarie Marais gepubliseer word. Sy spits haar hoofsaaklik toe op liefdesverhale, soms gemeng met ’n goeie skeut spanning, aksie en intrige.

SkuilnameWysig

Sy skryf ook spanningsverhale onder die skuilname Okkert Bosman en P.J. Rademeyer.

Kinder- en jeugverhaleWysig

Vir die kinders skryf sy verhale soos Twee klein vlugtelinge, Die verlore dogtertjie en In die hande van die rampokkers.

Die jeugverhaal Kinders van die grens word ook in Engels uitgegee as Children of the border.

PublikasiesWysig

E.J.M. Fraser[3][4][5][6]Wysig

Jaar Titel van publikasie
1940 Die verlore dogtertjie
1942 Twee klein vlugtelinge
1944 Kinders van die grens

Children of the border

1946 Op vrye voet

Wilde malva

1947 In die hande van die rampokkers

Veilige hawe

1948 Die huis van Casteleijn

Die liefde van Karolien Wiese

Sonskyn op die vlakte

1949 Die geheime soektog

Swerfling in die duister

1950 Avontuur op Bergvesting

Die geheim van die kelder

Die onbreekbare band

1951 Drie strome

Die versoening

1953 Duistere oes

Die huwelik van Elsa Martyn

Toe die aalwyne rooi was

1954 Jy behoort aan my

Die vreemde horison

1955 Die erfgename van Donkerpoort

Godin van haat

Mik na die sterre

Die ontembare hart

1956 Bittere vergelding

Die eienaar van Helderbronne

Die rooi sluier

Wispelturig is die wind

1958 Lig teen die hange

Swaar was my boete

1959 Erfenis van onheil

Die hoogste bieder

Vleuels in die stormwind

1960 Die jong hart

Kettings van die verlede

1961 Merk van Kain

Spel van die lewe

1962 Afspraak met die noodlot

Die ontwakende hart

Okkert BosmanWysig

Jaar Titel van publikasie
1948 Tamboer van die dood

P.J. RademeyerWysig

Jaar Titel van publikasie
1949 Die gedwonge huwelik

Sien ookWysig

VerwysingsWysig

BoekeWysig

  • Kannemeyer, J.C. Geskiedenis van die Afrikaanse literatuur 2. Academica, Pretoria, Kaapstad en Johannesburg Eerste uitgawe Eerste druk 1983
  • Nienaber, P.J. Hier is ons skrywers! Afrikaanse Pers-Boekhandel Johannesburg Eerste uitgawe 1949
  • Nienaber, P.J.; Senekal, J.H en Bothma, T.C. Mylpale in die geskiedenis van die Afrikaanse letterkunde. Afrikaanse Pers-Boekhandel Tweede hersiene uitgawe 1963

VerwysingsWysig

  1. Geni: http://www.geni.com/people/Eleanor-Johanna-Moir-Rautenbach/6000000020239381385
  2. Müller, Waldo “‘Miss Peggy’ sterf op Robertson” “Die Burger” 6 Junie 1998
  3. OCLC Classify: http://classify.oclc.org/classify2/ClassifyDemo?search-author-txt=Fraser,%20E.%20J.%20M.
  4. OCLC Classify: http://classify.oclc.org/classify2/ClassifyDemo?search-author-txt=%22Rautenbach%2C+Eleanor+Johanna+Moir%2C+1902-%22
  5. Worldcat: http://www.worldcat.org/identities/lccn-no2009-68904/
  6. Softcoverbooks: http://www.softcoverbooks.co.za/ejm%20fraser%20pronk%20boeke.html