Ebbehout

Ebbehout is harde, swartbruin tot swart hout van 'n aantal tropiese boomsoorte uit die genus Diospyros (familie Ebenaceae). Die meeste boomsoorte uit hierdie genus lewer egter nie ebbehout nie, en nie alle ebbehout is tropies nie. Daar word onderskeid getref tussen ebbe en koromandel: ebbe is swart (met 'n tiksel grys en soms bruin strepe) en koromandel is gestreep.

Koromandel (twee stukke, gespieëld)

Ebbehout is baie hard, maar kan wel heel goed bewerk word (saag, skaaf, boor en poleer). Dit het 'n homogene struktuur, 'n kort draad en dit splinter byna glad nie. Die hout word gebruik vir snywerk, beeldhouwerk, allerlei sierwerk, skaakstukke, klavierklawers, en musiekinstrumente of onderdele daarvan. Ebbehout is een van die houtsoorte wat per kilogram verhandel word. Die rede hiervoor is die kosbaarheid van die materiaal: bome wat ebbehout lewer, is steeds in toenemende mate seldsaam.

Fotogalery

• 
  Houtsnywerk van ebbe (Afrika-kuns).
• 
  Olifantjies van ebbehout. Waarskynlik van Diospyros ebenum
• 
  Skaakstukke - die swart stukke is van ebbehout.
• 
  Kamagong-stoel van ebbehout.

Eksterne skakels

• Koromandel Geargiveer 20 November 2011 op Wayback Machine en ebben Geargiveer 20 November 2011 op Wayback Machine in die Houtvademecum, by die Centrum Hout (nl)