Ecclesia Gnostica
.svg)
Die Ecclesia Gnostica (Latyns: "Die Gnostiese Kerk") is 'n Christelik-Gnostiese kerk wat in 1959 in die Verenigde State onder die naam Pre-Nicene Gnostic Catholic Church gestig is.
Sy susterorganisasie, die Gnostic Society, doen navorsing oor die Gnostisisme en bied op sy webwerf gnosis.org ook inligting oor die Gnostiese denkrigting van die Christendom vir belangstellendes.
Stephan A. Hoeller, die enigste biskop van die Ecclesia Gnostica, is 'n bekende Gnostikus wat 'n groot aantal werke oor die Gnostisisme en die psigologie van Carl Gustav Jung gepubliseer het.
Sakramente
wysigDie Ecclesia Gnostica vier nege sakramente, waarvan sewe van die Rooms-Katolieke Kerk oorgeneem en aangepas is: Die Eucharistie (of Heilige Nagmaal), die Huwelik, die Konfirmasie, die Doop, die Boete, die Priesterwyding, en die Salwing van Siekes. Twee bykomende sakramente is die Verlossing en die Bruidkamer.
Met die sakrament van die Verlossing word 'n mens bevry van die ketens van die Demiurg (die god van die stoflike wêreld) en die Arkons, die kragte van sonde, vrees en versoeking wat 'n mens se spirituele ontwaking probeer belemmer.
Die Gnostiese Kerk
- vergewe sondes en verleen sterkte aan die mens by sy voorneme om nie meer te sondig nie;
- volmaak die verandering in 'n mens wat deur die Waterdoop teweeggebring word;
- maak van die mens 'n tempel van die Heilige Gees;
- maak van sy aanhangers volkome Christene;
- vernuwe die band tussen die siel van 'n mens en sy Tweeling-engel of Goddelike Dubbelganger waarvan 'n mens as gevolg van sy afstyging na die Arkoniese ryk afgesny is; en
- verseker 'n mens van sy bevryding uit die kringloop van geboorte en dood en sodoende ook van die noodsaaklikheid van toekomstige beliggamings op die aarde.
Met die sakrament van die Bruidkamer word die werking van die sakrament van verlossing geseël en sodoende die siel van die gelowige met dié van die Tweeling-engel verenig.