Eduard Rüppell

Wilhelm Peter Eduard Simon Rüppell (20 November 1794 – 10 Desember 1884) was 'n Duitse natuurkundige en ontdekkingsreisiger. Rüppell is gebore in Frankfurt am Main, die seun van 'n bankier. Hy moes in die handel gewerk het maar na 'n besoek aan Sinai in 1817 het hy 'n belangstelling ontwikkel in die natuur. Hy woon klasse by aan die Universitiet van Pavia en die Universiteit van Genoa. Hy studeer plantkunde en dierkunde.

Wilhelm Peter Eduard Simon Rüppell
Gebore	20 November 1794 Frankfurt am Main
Oorlede	10 Desember 1884 (op 90)
Burgerskap	Duits
Nasionaliteit	Duits
Vakgebied	Dierkunde
Alma mater	Universitiet van Pavia

Hy vertrek op sy eerste ekspedisie in 1821 vergesel met sy geneesheer Michael Hey as sy assistent. Hulle reis deur die Sinaiwoestyn en in 1822 word hulle die eerste Europeërs om die Golf van Akaba te bereik. Hulle reis voort na Alexandrië via Berg Sinai. In 1823 seil hulle op die Nylrivier na Nubië, versamel monsters in die gebied suid van Ambukol, keer terug na Kairo in Julie 1825. Hulle beplan om deur Ethiopië te reis maar bereik net Massawa weens siektes.

Rüppell keer terug na Europa in 1827. Terwyl hy weg was het Philipp Jakob Cretzschmar sy monsters, wat hy teruggestuur het, gebruik om Atlas zu der Reise im nordlichen Afrika (Atlas van Reise in noordelike Afrika) te publiseer in 1826.

In 1830 keer Rüppell terug na Afrika en word die eerste natuurkundige om regoor Ethiopië te reis. Hy het as sy reise beskryf in Travels in Abyssinia wat hy laat publiseer het.

Spesies wat sy naam dra

• Rüppellaasvoël (Gyps rueppellii)

Bronne

• Barbara and Richard Mearns. Biographies for Birdwatchers. ISBN 0-12-487422-3
• Obituary. Proceedings of the Royal Geographical Society and Monthly Record of Geography, New Monthly Series, Vol. 8, No. 10 (Oct., 1886), pp. 654.

Hierdie artikel is in sy geheel of gedeeltelik vanuit die Engelse Wikipedia vertaal.