Edward Roworth

Edward Roworth (1880 in Lancashire – 1964) was ’n Suid-Afrikaanse kunsskilder van Britse herkoms.

Vroeë lewe

Hy bestudeer kuns in Heaton en ook by die Slade School of Art. Hy was ook vir 'n ruk in Florence waar hy die muurskilderye en die kuns van die fresco bestudeer het. Fresco (Italiaans: vars) is wanneer 'n pas of "vars" gepleisterde muur beskilder word, sodat die verf en die pleister vermeng en 'n eenheid vorm.

In Suid-Afrika

Hy vestig hom in 1902 in Kaapstad, Suid-Afrika, nadat hy as deel van die Britse mag tydens die Anglo- Boereoorlog in die Kaap aangekom het. Hy was besonder invloedryk as dosent aan en later hoof van die Michaelis-kunsskool in Kaapstad.

Hy het in die Engelse Akademiese styl gewerk. Hy het baie landskappe geskilder, maar sy bekendste werk is ongetwyfeld die groot groepportret van die Nasionale Konvensie. Die 5m x 6m werk beeld die 33 mans aan wat die argitekte van die Unie was. Dit is selfs vir 'n tydperk in Buckingham-paleis uitgestal. Hy het ook die eerste Frescos in Suid-Afrika, in 'n kerk in Kaapstad geskilder.

Sien ook

• George Crosland Robinson

Bronnelys

• KENNIS,  vol 14, 1980, bl. 2900-2904,  ISBN 0 7981 0836 3

Eksterne skakels

• Dossier Art under threat at University of Cape Town - South African Art Times, 2017