Eggogrotte
Die Eggogrotte is geleë in 'n reeks dolomitiese heuwels in Limpopo, Suid-Afrika, 35 km noord van Ohrigstad. Die grot is by die ingang van die Molapongvallei.
Geskiedenis wysig
Getuienis wat gevind is, dui daarop dat die grotte in die middel- en jonger-steentyd bewoon was. Meer onlangs is die grotte deur San en swart stamme bewoon. Laasgenoemde het die grotte as skuilplek gebruik tydens stamoorloë. Die grond waarop die grotte geleë is, is in 1923 as 'n plaas gekoop. Die oostelike ingang wat na verskeie grotte lei is in 1960 vir die publiek oopgestel.
Statistiek wysig
Die grootste van die spelonke is 100 m lank en 45 m hoog. Die naam is ontleen aan die eggo's wat gehoor word as sommige van die stalagmiete en stalaktiete saggies getik word.[1]