Elegante hurk-krap
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Elegante hurk-krap (Allogalathea elegans) is 'n valskrap en kom wydverspreid in die Stille- en Indiese oseane voor. In die Indiese Oseaan kom dit vanaf die Rooi See suidwaarts tot by KwaZulu-Natal voor.
| Elegante hurk-krap | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Subfilum: | |
| Klas: | |
| Orde: | |
| Suborde: | |
| Infraorde: | |
| Familie: | |
| Genus: | |
| Spesie: | A. elegans
|
| Binomiale naam | |
| Allogalathea elegans (Adams & White, 1848)
| |
| Sinonieme [1] | |
| |
Die krap word tot 50 mm lank en die lyf is plat en gevorm soos 'n druppel. Die karapaks is vorentoe verleng en die saamgestelde oë staan op steeltjies. Die wyfie is groter as die mannetjie. Die kleur is nie konstant nie en varieer baie maar pas gewoonlik aan by die gasheer. Die krap is oor die algemeen rooi of pers met longitudinale strepe oor die lyf. Die eerste paar bene is korter as die lyf en het knypers vooraan. Dan volg drie pare bene waarmee die krap loop en die laaste paar word onder die lyf ingevou. Dit word gebruik om die kieue skoon te maak. Die kleur van die bene pas by die lyf aan. Fyn haartjies bedek die lyf en bene.
Die seedier leef gewoonlik in die takke van 'n veerseester of soms skuil dit onder die basis van die seester. Die seedier vreet plankton soos sy gasheer. Die spesie is seldsaam.
Bron
wysig- The Reef Guide: Fishes, corals, nudibranchs & other invertebrates: East & South Coasts of Southern Africa, deur Dennis King & Valda Fraser, Struik Nature, 2014. ISBN 978-1-77584-018-3
Verwysings
wysig- ↑ Gary C. B. Poore & Enrique Macpherson (2009). "Allogalathea elegans (Adams & White, 1848)" (in Engels). World Register of Marine Species. Geargiveer vanaf die oorspronklike op 5 Junie 2020. Besoek op 8 April 2010.