Elektromagnetiese steuring
Elektromagnetiese steuring is die gevolg van elektromagnetiese straling wat uitgestraal word deur elektriese stroombane wat vinnig veranderende seine dra as 'n neweproduk van hulle normale werking en sodoende ongewenste seine (geraas) in ander stroombane veroorsaak. Dit kan doelbewus gedoen word, soos in die geval von elektroniese oorlogvoering of onbedoeld plaasvind. Elektromagnetiese steuring kan ook veroorsaak word deur dinge wat nie as stroombane beskou kan word nie, soos in die geval van die Son of die Noorderligte. Elektromagnetiese steuring beïnvloed ook die ontvangs van AM-radio in woongebiede en tot in 'n mindere mate FM-radio en televisie-toestelle.
Die belangrikste maatreëls wat geneem kan word om Elektromagnetiese steuring te verminder is:
- Die gebruik van 'n "ontkoppelende" kapasitor op elke aktiewe toestel (oor die kragbron gekoppel en so na as moontlik aan die toestel)
- Stygtydbeheer op die hoëspoedseine deur gebruik te maak van 'n reeks resistors en filters op die geïntegreerde stroombane se kragvoorsiening.
- Skerms word gewoonlik as laaste uitweg gebruik nadat ander tegnieke misluk het omdat dit die koste van toestelle beduidend verhoog.
Die doeltreffendheid van die straling hang af van die hoogte bo die grond en die lengte van die geleier relatief tot die golflengte van die seinkomponent. Teen laer frekwensies, bv. 133 MHz, is die bron van die straling bykans uitsluitlik deur toevoer/afvoer-kabels.
Die meeste lande het wetlike vereistes waaraan elektroniese en elektriese hardeware moet voldoen in terme van die hoeveelheid elektromagnetiese steurings wat hulle moet kan weerstaan en hoeveel hulle mag uitstraal.