Elisha Collier (1788–1856) was 'n Amerikaanse ontwerper wat die 'flintlock'-rewolwer in ongeveer 1814 uitgevind het. Sy ontwerp was die eerste van sy soort. Sy wapen is een van die vroegste ware rewolwers, in teenstelling met die vroeëre peperkaste wat veelvuldige lope gehad het.[1] Collier se rewolwer het nie self gedraai nie, maar het outomaties kruit in die pan losgelaat wanneer die hamer gespan word.[2][3][4] Sedert 1819 het die maatskappy John Evans & Son die wapen in Londen geproduseer. Hierdie rewolwer was een van wapens wat die meeste deur die Britse leër in Brits-Indië gebruik is.

Elisha Collier
Gebore
Elisha Haydon Collier

1788
Sterf23 Januarie 1856
Boston, Massachusetts
NasionaliteitVlag van Verenigde State van Amerika Verenigde State
Beroepvuurwapen ontwerper
Collier se roterende voorlaaier pistole en karabyne.

Wapenvervaardiging wysig

Collier se rewolwer is in 1818 gepatenteer, geproduseer vanaf 1819 deur John Evans & Son van Londen, en in groot hoeveelhede gebruik deur die Britse magte in Indië. Meer as 10 000 Engelse pond in waarde (ongeveer 160 gewere) sou na bewering vir Indië gemaak en gekontrakteer word volgens Elisha H. Collier se getuienis in die patente-oortredingsverhoor van Colt teen die Massachusetts Arms Company in 1851. Maar verdere getuienis deur Collier dui daarop dat hierdie aantal slegs die verwagte vervaardiging was. Dit is bekend dat daar maar ongeveer 225 Collier-pistole en gewere tussen 1819 en 1824 gemaak is volgens bekende reeksnommers tussen die soorte. 'n Enkele loop het groter akkuraatheid en 'n vinniger herlaaityd toegelaat, terwyl onnodige gewig verminder word. Die vuursteen-aksie was egter 'n ernstige nadeel: vuurstene was onbetroubaar en moes gereeld verander word, terwyl buskruit van minderwaardige gehalte 'n misvuur kon veroorsaak.[5]

Samuel Colt het vuurwapens van hierdie soort gesien terwyl hy in 'n kajuitwerker aan boord van die brig Corvo in 1832 gedien het.[6] Na sy terugkeer uit die Verre Ooste is hy geïnspireer om sy eie slagslot - rewolwer te skep: die Colt Paterson.[7]

Benewens handwapens, het Collier in die 1820's revolwertipe-haelgewere en karabyne vervaardig.[8] Slegs 150 van hierdie nou skaars vuurwapens is gemaak.[9]

Ander aktiwiteiete wysig

In die 1830's het Collier 'n nuwe ketel vir stoomskepe uitgevind.[10] Hy het 'n boek geskryf oor die onderwerp wat in 1836 gepubliseer is.[11] In 1839 het Collier 'n masjien ontwerp vir die massaproduksie van spykers vir die Globe Dock Factory, Rotherhithe, Surrey.[12]

Later lewe wysig

Collier het van 1818 tot 1850 in Engeland gewoon, waarna hy terug is na Boston, Massachusetts. Teen hierdie tyd het Colt se goedkoper massa-vervaardigde rewolwers sy vroeëre, handgemaakte ontwerpe vervang.[13] Collier word gelys dat hy in Eliotstraat 88 in 'n sensus van 1850 gewoon het, waar hy op 23 Januarie 1856 oorlede is.[14]

Verwysings wysig

  1. Bowman, H.W. (1963). Lucian Cary (red.). Antique Guns (4th printing uitg.). Greenwich, Connecticut: Fawcett Publications. p. 94.
  2. "Flintlock Revolver from Elisha Collier". My Armory Discussion Forums (in Engels). April 2008. Geargiveer vanaf die oorspronklike op 14 Januarie 2020.
  3. Elisha Collier revolver schematic Geargiveer 25 April 2012 op Wayback Machine
  4. Image of Elisha Collier's revolver Geargiveer 25 April 2012 op Wayback Machine
  5. Shaver, Bob (22 November 2004). "Collier's Flintlock Revolver". Patent Pending Blog (in Engels). Geargiveer vanaf die oorspronklike op 14 Januarie 2020.
  6. "Samuel Colt". Paterson Museum web site (in Engels). Geargiveer vanaf die oorspronklike op 26 Desember 2010. Besoek op 14 Augustus 2010.
  7. Ricketts, H (1962). Firearms. London.{{cite book}}: AS1-onderhoud: plek sonder uitgewer (link)
  8. Chapel, Charles Edward (2002). Guns of the Old West. Courier Dover Publications. p. 202. ISBN 978-0-486-42161-2.
  9. "Lot 3067: Rare Collier Revolving Percussion Shotgun". Invaluable: Online Live Auctions web site. 2009.
  10. "Collier's Patent Steam-Boilers and Safety Breathing-Tube". The Mechanics' Magazine. XXVI (695): 161–164. 3 Desember 1836.
  11. On the Superior Advantages of the Patent Improved Steam-boilers, invented by E. H. Collier, etc. With a plate. 1836.
  12. "The mechanic's magazine, museum, register, journal and gazette". 31. 1839: 130. {{cite journal}}: Cite journal requires |journal= (hulp)
  13. "Elisha Hayden Collier's 1820 Flintlock Revolver". The Colliers of Massachusetts Family Page (in Engels). Geargiveer vanaf die oorspronklike op 30 Maart 2012.
  14. "Collier, Elisha Haydon". American Firearms web site (in Engels). 27 Februarie 2011. Geargiveer vanaf die oorspronklike op 8 Maart 2012.