Langsprietsprinkaan

Sprinkane met lang spriete of voelhorings behoort tot die suborde Ensifera. Dit is springende insekte waarvan die springbeendye vergroot is. Die insekte het soms timpaanorgane aan hul voorpote en sluit krieke en vlerklose sprinkane in.

Langsprietsprinkaan
Wetenskaplike klassifikasie
Koninkryk:	Animalia
Filum:	Arthropoda
Klas:	Insecta
Orde:	Orthoptera
Suborde:	Ensifera
Superfamilies en families
Superfamilie Grylloidea Gryllidae Gryllotalpidae Mogoplistidae Myrmecophilidae Superfamilie Hagloidea Prophalangopsidae Superfamilie Rhaphidophoroidea Rhaphidophoridae Superfamilie Schizodactyloidea Schizodactylidae Superfamilie Stenopelmatoidea Anostostomatidae Cooloolidae Gryllacrididae Stenopelmatidae Superfamilie Tettigonioidea Tettigoniidae

'n Langsprietsprinkaan

Sprinkane en krieke wat tot die orde behoort, striduleer deur hul vlerke oormekaar te vryf. Lede van die orde is omnivore en sommige spesies is selfs vleisetend. Die krieke van die familie Prophalangopsidae jag ander insekte en hou veral onder klippe.

Die diere is – soos al die ander kriekfamilies – bekend vir hul skril geluide. Die suborde Ensifera is 'n groot groep insekte wat 'n verskeidenheid liggaamsvorme het. Die langsprietsprinkane behoort tot die familie Tettigoniidae. Die familie Prophalangopsidae bevat die boggelvlerkkrieke, die gewone krieke is lede van die familie Gryllidae, die molkrieke is van die familie Gryllotalpidae, terwyl die vlerklose langsprietsprinkane tot die familie Gryllacrididae behoort.

Sien ook

• Kortsprietsprinkaan
• Treksprinkaan

Bronnelys

• Wêreldspektrum, 1982, ISBN 0-908409-67-2, volume 26, bl. 126

Eksterne skakels

• Wikimedia Commons het meer media in die kategorie Langsprietsprinkaan.

• Wikispecies het meer inligting verwant aan Langsprietsprinkaan