Esmé Berman
Suid-Afrikaanse skrywer, lektor, navorser, uitsaaier, historikus en kunskonsultant.
Esmé Berman (2 Julie 1929 – 4 Junie 2017) was 'n skrywer, lektor, navorser, uitsaaier, historikus en kunskonsultant. Sy is in Johannesburg gebore. Op 20 November 1970 het haar boek Art and Artists of South Africa verskyn. Dit was voor Kersfees van daardie jaar uitverkoop en is vier keer herdruk.
Esmé Berman | |
|---|---|
| Gebore | 2 Julie 1929 Johannesburg |
| Sterf | 4 Junie 2017 Johannesburg |
| Beroep | Skrywer, lektor, navorser |
| Nasionaliteit | Suid-Afrika |
| Noemenswaardige werke | Art and Artists of South Africa |
| Eggenoot | Hymie Berman |
| Kinders | 3 |
Berman het op die ouderdom van 15 gematrikuleer en studeer daarna drama by die Trinity College in Londen. Sy verwerf 'n B.A.-graad asook honneursgrade in sielkunde en kuns. In 2016 het die Universiteit van die Witwatersrand 'n eredoktorsgraad aan haar toegeken. Sy het die laaste paar jaar voor haar dood aan parkinsonsiekte gely. Sy was getroud met Hymie Berman.
Bron
wysig- Lategan, Herman: Kuns verloor sy grootste kampvegter, Rapport, 11 Junie 2017.
