Eva Green
Eva Gaëlle Green (Frans: [e.va ɡa.ɛl ɡʁeːn]; gebore 6 Julie 1980) is 'n Franse aktrise en model.
| Eva Green | |
.jpg)
| |
| Geboortenaam | Parys, Frankryk |
|---|---|
| Geboorte | 6 Julie 1980 |
| Nasionaliteit |  Frankryk
|
| Aktiewe jare | 2001-hede |
Green is die dogter van die aktrise Marlène Jobert. Sy het haar loopbaan in teater begin, voordat sy haar filmdebuut in Bernardo Bertolucci se The Dreamers (2003) gemaak het. Sy het internasionale erkenning verwerf vir haar uitbeelding van Sibylla, koningin van Jerusalem in Ridley Scott se histories-epiese film Kingdom of Heaven (2005).
Die jaar daarna speel sy die Bond-meisie Vesper Lynd in die James Bond-film Casino Royale (2006), waarvoor sy die BAFTA Rising Star-toekenning ontvang het.
Green het sedertdien in talle films verskyn, ondermeer Cracks (2009), Womb (2010) en Perfect Sense (2011). In 2014 speel sy Artemisia in die 300-opvolger, 300: Rise of an Empire, en Ava Lord in Frank Miller en Robert Rodriguez se Sin City-opvolger, Sin City: A Dame to Kill For.
Green is ook bekend om haar samewerking met regisseur Tim Burton, en het hoofrolle vertolk (as die karakter Angelique Bouchard) in die riller-komediefilm Dark Shadows (2012), as Miss Alma Peregrine in die fantasiefilm Miss Peregrine's Home for Peculiar Children (2016), en as Colette Marchant in die fantasiefilm Dumbo (2019). Vir haar rol as ruimtevaarder-moeder in die dramafilm Proxima (2019) verdien sy 'n benoeming vir die César-toekenning vir beste aktrise.
Green het die rol van Morgan Pendragon vertolk in die Starz historiese fantasiereeks Camelot (2011). Sy het ook die hoofrol vertolk as Vanessa Ives in die Showtime-riller-dramareeks Penny Dreadful (2014–2016) en 'n nominasie verdien vir beste aktrise in 'n televisiereeks - drama tydens die 73ste Golden Globe-toekennings.
Eksterne skakels
wysig
Wikimedia Commons het meer media in die kategorie Eva Green.
