Evangelie volgens Matteus

Die Evangelie volgens Matteus is die eerste evangelie en ook die eerste boek in die Nuwe Testament van die Bybel. Die Evangelie bring die blye boodskap dat Jesus die beloofde Verlosser is. Met aanhalings uit die Ou Testament word aangetoon dat die Ou Testamentiese beloftes tot vervulling gekom het met die geboorte van Jesus en dat Hy die Christus is, die seun van die lewende God.

Matteus en die engel (Rembrandt van Rijn – 1661)

In die Evangelie word die verhaal van Jesus beskryf van sy geboorte tot sy laaste opdrag aan sy dissipels. Dit is egter nie 'n lewensbeskrywing van Jesus nie, maar eerder 'n getuienis oor wat Hy gedoen en geleer het. Die verhaal word afgewissel deur vyf lang uitsprake van Jesus oor die koninkryk van die hemel: die Bergrede, die opdrag aan die twaalf dissipels, die gelykenisse oor die koninkryk, die betekenis van dissipelskap en die koms van die koninkryk.

Eksterne skakels

• Wikimedia Commons het meer media in die kategorie Evangelie volgens Matteus.
• Wikiwoordeboek het 'n inskrywing vir Matteus‎.