Eysteinn Beli
Eysteinn Beli (of Eysteinn hinn illráði; Sweeds: Östen Illråde of Östen Beli) was 'n halflegendariese koning van Swede wat in die laat 8ste eeu sou regeer het. Verskillende sagas vertel verskillende stories oor hom.
Ragnarssona þáttr wysig
Volgens die skynbaar oudste saga, Ragnarssona þáttr (dieVerhaal van Ragnar se seuns), het die koning van Swede, Ragnar Lodbrok, se seuns Swede verlaat en verskeie gebiede verower. Ragnar was jaloers op sy seuns se sukses en het Eysteinn in beheer van Swede gelos met die opdrag dat hy die land teen sy seuns beskerm. Hy het toe oor die Oossee gevaar en ander lande gaan plunder om sy eie bekwaamhede te wys.
Ragnar se seuns Erik en Agnar het 'n boodskap aan koning Eysteinn gestuur dat hy hom aan hulle moet onderwerp. Hy het sy opperhoofde gevra, wat die eis verwerp het. Swede het toe die seuns aangeval, en Erik en Agnar is oorrompel. Agnar is gedood en Erik gevange geneem.
Eysteinn het Erik soveel van Uppsala öd aangebied as wat hy wou hê, asook sy dogter as bruid. Erik het gesê ná so 'n groot nederlaag wil hy niks anders hê as om te sterf nie. Hy het gevra om met spiese deurboor te word en sy wens is toegestaan.
Erik se moeder, Aslaug, en sy ander broers Björn Ysterkant en Hvitserk het daarop met 'n groot leër na Swede geseil. Die daaropvolgende geveg het geëindig met Eysteinn se dood.[1] Toe Ragnar sterf, het Björn Ysterkant koning van Swede geword.
Hervarar saga wysig
In die Hervarar saga word vertel Eysteinn Beli was die seun van Harald Oorlogtand. Volgens dié saga was Harald die koning van Swede en Sigurd Hring die koning van Denemarke, terwyl ander sagas die twee rolle omruil. Die Hervarar saga vertel Eysteinn het Swede van sy pa, Harald Oorlogtand, geërf en regeer totdat hy deur Ragnar Lodbrok se seuns vermoor is, soos vertel in Ragnarssona þáttr. Ná Ragnar se dood het Björn Ysterkant koning van Swede geword.
Verwysings wysig
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Harald Oorlogtand |
Legendariese Sweedse koning | Opvolger Ragnar Lodbrok → |