Ragnar Lodbrok
Ragnar Lodbrok[nota 1][1] was 'n legendariese[2] Wikingheld, asook 'n legendariese koning van Denemarke en Swede.[3] Hy is bekend uit Oudnoorse poësie uit die Wikingtydperk, Yslandse sagas en nabykontemporêre kronieke.
Volgens die tradisionele letterkunde onderskei Ragnar homself deur in die 9de eeu baie strooptogte uit te voer teen Brittanje en die Heilige Romeinse Ryk. Hy verskyn ook in Noorse legendes. Volgens die legendariese sagas Verhaal van Ragnar se seuns en 'n Saga oor Sekere Antieke Konings was Ragnar Lodbrok se pa die legendariese Sweedse koning Sigurd Ring.[4][5]
Bewind
wysigIn hulle weergawes van sy bewind vertel die sagas van die Skandinawiese voorgeskiedenis, bekend as fornaldarsǫgur,[6][7] meer oor Ragnar se huwelike as oor sy oorloë en oorwinnings.
_-_cropped.png)
Volgens die Sögubrot was hy "die grootste en mooiste man wat die menslike oog nog gesien het". Hy het soos sy ma gelyk en na haar familie geaard.[8] Hy het eenkeer 'n reuseslang doodgemaak wat die huis van die Gautiese hoofman, Herrauð, se dogter, Thora Borgarhjort, opgepas het en haar so as vrou gewen. Die ongewone beskermende klere wat Ragnar gedra het toe hy die slang aanval, het hom die bynaam Lodbrok besorg. Sy seuns by Thora was Erik en Agnar. Ná Thora se dood het hy Kráka ontdek, 'n baie mooi en slim vrou wat by 'n arm egpaar in Noorweë gewoon het, en met haar getrou. Uit hulle huwelik is gebore Ivar, Björn, Hvitserk, Ragnvald en Sigurd Slang-in-die-oog.[9] Kráka het later geblyk Aslaug, 'n geheime dogter van die bekende held Sigurd Fafnesbane, te wees. Terwyl die seuns bekende vegters geword het, het Ragnar, wat nie oortref wou word nie, Engeland met net twee skepe aangeval. Hy is egter deur die Engelse magte verslaan en is in 'n slangkuil gegooi, waar hy 'n pynlike dood gesterf het.[10] In 866 het 'n "heidense leër" onder Ragnar se seuns koning Aelle van Northumbria, wat Ragnar gevang en tereggestel het, aangeval om hulle pa se dood te wreek. Ná Ragnar se dood het sy seun Björn Ysterkant koning van Swede geword.
In die Noorse verhaal Knutsdrapa deur Sigvat Thordarson (omstreeks 1038) word vertel van die moord op koning Aelle deur Ragnar se seun Ivar in York deurdat hy "die bloedarend op Aella se rug uitgekerf het".[11] Die verwysing na dié wrede moord is egter 'n onderwerp van debat onder moderne geleerdes.[12]
TV-reeks
wysigDie televisiereeks Vikings is deur Ragnar se legendes geïnspireer. Dit beeld Ragnar (Travis Fimmel) as 'n boer van die Kattegat uit wat beroemd word deur strooptogte op Engeland uit te voer en eindelik 'n Skandinawiese koning word, met die ondersteuning van sy familie en medevegters. In die latere seisoene volg die reeks die doen en late van sy seuns en hulle avonture in Engeland, Skandinawië, Kiëf-Roes, die Mediterreense streek en Noord-Amerika.
Notas
wysig- ↑ Ragnar beteken "raaf" en Lodbrok beteken "leerbroek" of "harige broek".
- Oudnoors: Ragnarr Loðbrók
- Moderne Deens: Regnar Lodbrok
- Moderne Yslands: Ragnar Loðbrók
- Moderne Noors: Ragnar Lodbrok
- Moderne Sweeds: Ragnar Lodbrok
Verwysings
wysig- ↑ Hughes, David (2007). The British Chronicles. Vol. 1. Heritage. p. 274. ISBN 978-0-7884-4490-6.
- ↑ Harrison 1993, p. 16.
- ↑ Du Chaillu, Paul B. (2015). The Viking Age Vol. 2 (of 2) (Illustrations): The early history, manners, and customs of the ancestors of the English-speaking nations. The Viking Age Series. J.J. Little & Co. p. 291. ISBN 978-0599543584. Besoek op 1 Junie 2020. Gutenberg Project version, published 13 December 2017.
- ↑ Lindbergh, Katarina Harrison (2017). Nordisk mytologi: Från a till Ö. ISBN 978-9175453705.
- ↑ Butler, Josh "The Real Ragnar Lothbrok." Historic UK. Besoek op 21 April 2020.
- ↑ "Stories for all time: The Icelandic fornaldarsögur". Fasnl.ku.dk. Besoek op 28 Februarie 2022.
- ↑ "fornaldarsögur, chapter 25". Researchgate.net.
- ↑ " Sögubrot, Chapter 10". Geargiveer vanaf die oorspronklike op 8 September 2010.
- ↑ "Ragnars Saga Lodbrokar, Hoofstukke 4 en 7".
- ↑ "Ragnars Saga Lodbrokar, Chapter 15".
- ↑ Smyth, Alfred P. (1977) Scandinavian kings in the British Isles 850-880. Oxford: Oxford University Press
- ↑ "Kings and kingship in Viking Northumbria". 26 September 2008. Geargiveer vanaf die oorspronklike op 26 September 2008. Besoek op 28 Februarie 2022.
Skakels
wysig
Wikimedia Commons het meer media in die kategorie Ragnar Lodbrok.
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Eysteinn Beli |
Legendariese Sweedse koning | Opvolger Björn Ysterkant → |