Forum vir Demokrasie
Die Forum vir Demokrasie (Nederlands: Forum voor Democratie, FVD) is 'n Nederlandse radikaal-regse, populistiese politieke party wat deur Thierry Baudet gelei word.[1] [2]
| Forum voor Democratie | |
| FVD | |
| |
| Leier | Thierry Baudet |
|---|---|
| Gestig | 1 September 2016 |
| Hoofkwartier | Herengracht 74, Amsterdam |
| Jeugvleuel | Jongerenorganisatie Forum voor Democratie |
| Ideologie | Nasionalisme, konserwatisme, ekonomiese liberalisme, euroskeptisme |
| Internasionale affiliasie | European Conservatives and Reformists Party (ECR party) |
| Amptelike kleure | maroen |
| Webblad | fvd.nl |
Die FVD is in 2015 gestig deur Thierry Baudet as konserwatiewe dinktenk en het 'n aktiewe rol gespeel tydens die volksraadpleging oor die venootskapooreenkoms tussen die Europese Unie en die Oekraïne.[3] In 2016 het die FVD 'n politieke party geword.[4] By die verkiesing van die Tweede Kamer in 2017 het dit twee setels verower. Tydens die verkiesingsveldtog van 2021 het die FVD die party voorgehou as 'n koronaskeptiese party.[5] Die party het agt setels in die verkiesings van 2021 gewen, waarvan slegs vyf oor was. In die verkiesings op 22 November 2023 het FVD drie setels behaal.
Aanvanklik was die FVD as 'n gematigde alternatief vir Geert Wilders se Party vir die Vryheid beskou.[6] Tydens die provinsiale verkiesings in 2019 het die FVD die grootste party geword, wat in twaalf setels in die Eerste Kamer behaal.[7] Sedertdien het die party geradikaliseer en het die party en sy leier Thierry Baudet gereeld baie kritiek gekry weens rassistiese, antisemitiese en homofobiese opmerkings.[8] Dit het tot verskeie afsplitsings gelei: Groep Otten (GO) in Julie 2019 (3 setels in EK, later 2 setels in EK en 1 setel oorgegaan naar EP),[9] Groep Nanninga (7 setels in EK) en JA21 (3 setels in EP) in Desember 2020,[10] Groep Van Haga (later BVNL) in Mei 2021 (3 setels in TK) [11] en Groep Frentrop in Maart 2022 (2 setels in EK).[12] Marcel de Graaff het in Januarie 2022 van die PVV by die FVD aangesluit (1 setel in EP).
Verwysings
wysig- ↑ Waarom trokken Baudets partijgenoten niet veel eerder een grens?. Trouw, 27 November 2020.
- ↑ Matthijs Rooduijn, De ideologie van Forum voor Democratie. Stuk Rood Vlees, 21 Maart 2019.
- ↑ Het Oekraïne-referendum. Nationaal Referendum Onderzoek 2016, bladsy 45.
- ↑ Beweging achter Oekraïne-referendum wil de Kamer in. NOS.nl, 25 September 2016.
- ↑ Thierry Baudet vermoedt groter plan achter coronacrisis: ‘Of we worden geregeerd door totale imbecielen’. Tubantia, 9 Maart 2021.
- ↑ Arend-Jan Boekestijn, Moet je radicalen uitsluiten of doodknuffelen?. NPO Radio 1, 13 Februarie 2020.
- ↑ De nieuwe politieke kaart van Nederland: versnippering in beeld. NOS.nl, 23 Maart 2019.
- ↑ FVD-jongeren ‘fascistisch’ en ‘antisemitisch’ in appgroepen. HP/De Tijd, 28 April 2020.
- ↑ Otten verwacht dat meer FvD'ers zich bij hem aansluiten. NOS.nl, 19 Augustus 2019.
- ↑ Eerdmans' JA21 krijgt in één klap drie zetels in Europees Parlement. RTV Rijnmond, 20 Desember 2020.
- ↑ Nieuwe partij Van Haga gaat Belang van Nederland heten. Het Parool, 2 Julie 2021.
- ↑ Hiddema, Frentrop weg bij FvD om afwezigheid bij speech Zelensky. NOS, 30 Maart 2022.
Bronne
wysig- Forum voor Democratie (FVD), Parlement.com
- Forum voor Democratie (FVD), DNPP