Flegias
In die Griekse mitologie was Flegias (antieke Grieks: Φλεγύας, "vurig") 'n koning van die Lapite (of Flegiane). Hy was die vader van Koronis, een van Apollo se minnaresse.
Mitologie
wysigTerwyl Koronis swanger was met Asklepios het sy verlief geraak op Iskus, die seun van Elatus. Toe 'n kraai Apollo van die verhouding vertel, het hy sy suster Artemis gestuur om Koronis te vermoor omdat hy dit nie self kon doen nie. Hermes het die baba egter gered en hom aan die sentour Chiron gegee om groot te maak.
Flegias, wat kwaad vir Apollo was omdat hy sy dogter laat vermoor het, het Apollo se tempel by Delphi aan die brand gesteek. Apollo het hom vermoor en 'n swaar straf in die onderwêreld opgelê.[1][2][3]
In die Eneïde van Vergilius word Flegias gewys waar hy gefolter word in Tartaros, waar hy ander waarsku om nie die gode te verag nie. In Dante se Inferno neem Flegias hom en Vergilius met sy boot oor die rivier Styx, wat uitgebeeld word as 'n moeras in die hel se sirkel van woede.
Verwysings
wysig- ↑ Pindarius, Odes, vertaal deurDiane Arnson Svarlien. 1990. Aanlyn weergawe by die Perseus Digital Library.
- ↑ Pseudo-Apollodorus, The Library, Engelse vertaing deur sir James George Frazer, F.B.A., F.R.S. in 2 Volumes, Cambridge, MA, Harvard University Press; Londen, William Heinemann Ltd. 1921. Aanlyn by die Perseus Digital Library. Griekse teks oor daar beskikbaar.
- ↑ The Homeric Hymns and Homerica, Engelse vertaling deur Hugh G. Evelyn-White. Homeric Hymns. Cambridge, MA., Harvard University Press; Londen, William Heinemann Ltd. 1914. Aanlyn by die Perseus Digital Library. Griekse teks ook daar beskikbaar.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
