Fodor's
Fodor's [ˈfoʊdərz] is die wêreld se grootste uitgewery van Engelstalige reis- en toerisme-inligting, en die eerste uitgewery wat reisgidse op 'n relatief professionele manier begin publiseer het. Fodor's Travel en Fodors.com is tans afdelings van Random House, Inc.
| Fodor's | |
 | |
| Tipe | Afdeling van Random House, Inc. |
|---|---|
| Gestig | 1949 |
| Hoofkantoor | Random House Tower, New York Stad, NY,  Verenigde State
|
| Sleutelpersone | Eugene Fodor (stigter) |
| Gebied bedien | Wêreldwyd |
| Industrie | Uitgewery (reisgidse) |
| Produkte | Fodor's Travel Guides |
| Moedermaatskappy | Internet Brands, El Segundo, Kalifornië |
| Webwerf | http://www.fodors.com |
Geskiedenis
wysigDie stigter van Fodor's, Eugene Fodor, was 'n gesoute reisiger wat die reisgidse van sy tyd as vervelende versamelings van verouderde feite en getalle ervaar het. Hy het besluit om hierdie tekortkominge in 'n reisgids oor Europa aan te spreek. On the Continent - The Entertaining Travel Annual is in 1936 deur Francis Aldor se Londen-gebaseerde uitgewery Aldor Publications gepubliseer.
Hierdie reisgids het meer inligting vir toeriste verskaf as die destyds gebruiklike lyste van hotelle en aantreklikhede. Dit is nie net jaarliks hersien nie, maar het - naas inligting oor die plaaslike bewoners en hul kultuur - ook praktiese wenke soos aanbevole fooitjies bevat. In sy inleiding het Fodor geskryf: "Rome behels nie net uitstekende monumente nie, maar ook Italianers."
Die baanbrekende werk het groot sukses in die Verenigde Koninkryk en die Verenigde State behaal. die uitgewery Fodor's Modern Guides, Inc. is in 1949 in Parys gestig, en een jaar later is die gidse deur David McKay Company uitgegee. McKay is in 1986 aan Random House, Inc. verkoop.
In 1996 het Fodor's sy webtuiste fodors.com geloods wat op toerisme-inligting fokus. Dit is in 2004 vir 'n Webby Award genomineer. Fodor's het tot dusver meer as 440 reisgidse oor meer as 300 reisbestemmings in altesaam veertien reekse gepubliseer. Meer as 700 permanente skrywers en navorsers verskaf plaaslike inligting van dwarsoor die wêreld.
Penguin Random House het in 2016 bekend gemaak dat Fodor's aan die Amerikaanse onderneming Internet Brands verkoop is word wat hom op nuwe media toespits en sy setel in El Segundo naby Los Angeles, Kalifornië het. Alhoewel die handelsmerk en alle inhoud van Fodor's deur Internet Brands oorgeneem is, sal fisiese reisgidse ook in die toekoms deur Penguin Random House gedruk en versprei word.[1][2]