Forresbank

Die vragskip MV Forresbank van die Britse handelsvloot het op 10 November 1958 aan die kus van Pondoland (Transkei, Oos-Kaap) vergaan. Hierdie skip onder bevel van kapt. B.T. Symmonds was van Kaapstad via Durban na die Ooste onderweg met van vrag van 1 000 ton antrasiet. Na 'n brand en ontploffings in die masjienkamer waarin een bemanningslid gesterf het, is dit deur sterk wind na die kus gedryf. Op 46 km suid van Port St. Johns, net noordoos van die mond van die Mtakatyerivier en naby die Hluleka Natuurreservaat het die skip op die rotse geloop. Hierdie dieselaangedrewe skip van 5159 ton met 2 skroewe is in 1925 in Glasgow gebou en was die eiendom van die Bank Line Ltd.

Bibliogrrafie

• Turner, Malcolm: Shipwreck and salvage in South Africa – 1505 to the present. Kaapstad: Struik, 1988. ISBN 0-86977-387-9
• www.wrecksite.eu