Fort Napier

Fort Napier is 'n hospitaal in Napierville, Pietermaritzburg. Dit word gehuisves in 'n ou Britse fort geleë aan die suidwestekant van die middestad.

Die fort is op 31 Augustus 1843 gestig en was tot die uitbreek van die Eerste Wêreldoorlog die militêre hoofkwartier van die Britse troepe in Natal. Veral tydens die Anglo-Zoeloeoorlog, die Eerste Vryheidsoorlog en die Tweede Vryheidsoorlog was dit 'n belangrike militêre basis. 'n Militêre begraafplaas is gelyktydig met die fort se bou aangelê. In die 1890's is die St. George-kerk gebou ter herinnering aan die gesneuwelde Britse soldate. Tydens die Tweede Vrydheidsoorlog is die fort as militêre hospitaal gebruik. Met die jare is allerlei veranderinge aan die gebou aangebring. Die watertoring is egter deel van die oorspronklike gebou. Vanaf 1914 tot 1918 was die fort 'n interneringskamp vir Duitsers. Sedertdien word dit gebruik as 'n psigiatriese hospitaal.

Die fort is genoem van George Thomas Napier, die Kaapse goewerneur. In 1951 is die fort en die kerk tot gedenkwaardighede verklaar. In die Killie Campbell-biblioteek is 'n foto uit 1879 van die fort.

Bibliografie

• Derwent, Derwent, Sue: KwaZulu-Natal Heritage Sites – a guide to some great places. Claremont: David Philip Publishers, 2006. ISBN 0-86486-653-4
• Dominy, Graham: Pietermaritzberg's Imperial Postscript – Fort Napier from 1910 to 1925. Natalia, deel 19, 1989. www.natalia.org.za
• Standard Encyclopaedia of Southern Africa, deel 4. Kaapstad: Nasou, 1971. ISBN 0-625-00320-9