Fototroof
'n Organisme wat fototroof genoem word, vermag met lig as energiebron te lewe.
Die woord fototroof is afgelei van die Griekse woorde φωτο+τροφή, van φως phos = die lig + τροφή trophé = die voeding. Die tweede deel van hierdie samestelling -troof gee gewoonlik aan op watter manier die organisme sy energie verkry. 'n Chemotroof verkry byvoorbeeld sy energie deur reaksies van bepaalde chemiese stowwe en nie van lig nie.
By fototrowe organismes word ligenergie deur fotosintese vasgelê en hoofsaaklik aangewend vir die bou van die organisme of die vorming van energieryke reserwestowwe. Verder is energie benodig om voedingsstowwe teen 'n konsenstrasiegradiënt uit die grond op te neem of om stowwe deur die plant te vervoer. Party plante gebruik dit selfs om te beweeg. Hulle word fototroop genoem.
Plante wat groen is, is gewoonlik foto-outotrowe organismes wat sonlig gebruik en anorganiese stowwe soos koolstofdioksied opneem vir fotosintese, maar daar is ook alge en eensellige organismes wat foto-outotroof is.
| Energiebron | Lig | foto- | -troof | ||
|---|---|---|---|---|---|
| Redoksreaksie | chemo- | ||||
| Elektronedonor | Organiese stof | organo- | |||
| Anorganiese stof | lito- | ||||
| Koolstofbron | Organiese stof | hetero- | |||
| Anorganiese stof | outo- |
Verwysings
wysig
Hierdie artikel is (gedeeltelik) vertaal uit die Nederlandse Wikipedia. Sien bron.