François Laurent d'Arlandes

François Laurent, Marquis d'Arlandes (geb. 1742 - † 1 Mei 1809) was 'n warmlugballonpionier saam met Jean-François Pilâtre de Rozier. Hulle het die eerste bemande balonvlug in 'n Montgolfier warmlugballon op 21 November 1783 onderneem.

François Laurent d'Arlandes

Die eerste ballonvlug aan 'n tou geanker deur Pilâtre de Rozier en d'Arlandes, 21 November, 1783. 'n Laat 19^de eeuse illustrasie.

Hulle het net na 2 uur die namiddag opgestyg vanaf Château de la Muette in Parys, in die teenwoordigheid van koning Louis XVI. Hulle het ongeveer 9 km ver gereis tydens 'n vlug wat 25 minute geduur het; die eerste 'vrye vlug' wat deur mense onderneem is. Na die vlug het die loodse sjampanje gedrink om die vlug te vier, 'n tradisie wat tot vandag toe steeds deur ballonvaarders volhou word.

D'Arlandes het Joseph Montgolfier by die Jesuïtiese kollege van Tournon ontmoet. Hy is op 1 Mei 1809 in sy kasteel te Saleton naby Anneyron oorlede.

Bronne

• Luc Robène, L'homme à la conquête de l'air, L'Harmattan,‎ 1998, p. 45
• Friedrich R. Kreißl, Otto Krätz: Feuer und Flamme, Schall und Rauch. Schauexperimente und Chemiehistorisches. 2. Auflage. Wiley-VCH, Weinheim 2008, ISBN 978-3-527-32276-3, S. 156.

Eksterne skakels

• (en) ballooninghistory.com