Franschhoek-motormuseum
| Franschhoek-motormuseum | |
.jpg)
| |
| Plek | Franschhoek |
|---|---|
| Land | Suid-Afrika |
| Webtuiste | www
|
Die Franschhoek-motormuseum beskik oor ‘n buitengewone versameling historiese vervoermiddels.
Die motors, motorfietse, antieke fietse en ‘n groot aantal ander items (soos petrolpompe) wat verband hou met vervoermiddels verteenwoordig die Suid-Afrikaanse ontwikkelingsgeskiedenis van vervoer oor meer as die afgelope 100 jaar. Een van die seldsaamste voertuie is die Aston Martin DB2/4 MkII Touring Spyder, 'n sportmotor waarvan daar slegs drie sulke modelle in die wêreld is. ‘n Motorfiets uit 1898 is te sien en onder die 80 motors wat afwisselend uitgestal word uit die versamling van 320, is ‘n Ford Model A uit 1903. Unieke Suid-Afrikaanse motors soos die Protea uit 1957, die GSM Dart uit 1963 en die Flamingo uit 1962 is te sien. Al hierdie artikels word gehuisves in vier ruim sale.
Die museum is geleë op die wingerd- en perdeplaas L'Ormarins, tussen Drakenstein en Wemmershoek, langs die R45-pad en by 33° 52′ 53.33″ suid en 18° 59′ 12.94″ oos. Dit is die eiendom van Johann Rupert.[1]
Bronne
wysig- (af) Amptelike Webwerf
Verwysings
wysig- ↑ "The African Billionaires 2012". 2012.