Fremantle-versameling

Die Fremantle-versameling in die staatsargief in Kaapstad gee ‘n beeld van die politieke ontwikkeling van Suid-Afrika in die eerste twee dekades van die 20ste eeu.

Henry Fremantle het ‘n wye versameling briewe, pamflette, koerantuitknipsels en ander stukke nagelaat waarvan veral sy dagboek van 1891 tot 1924 van belang is. Die volledige versameling dek die periode 1860 tot 1935, aangesien dit deur sy familie aangevul is.