Fridolin Brunner

Fridolin Brunner (* 1498, Glarus; † 28 Junie 1570, Glarus, Switserland) was 'n Switserse Protestantse pastoor en hervormer in onder meer Mollis, Matt, Betschwanden (in die kanton Glarus), Flums en Mels (wat vandag die kanton St. Gallen is).

Lewe en werk

Vroeë lewe en herkoms

Brunner is gebore en spandeer sy vroeë lewe in die stad Glarus.

Opleiding en begin van loopbaan

Hy was waarskynlik 'n student van Huldrych Zwingli wat tussen 1506 en 1516 in Glarus 'n Katolieke priester was.

Vanaf 1517 studeer hy in Basel.

Tussen 1521 en 1525 dien hy as pastoor in Mollis, wat ook  Näfels en Oberurnen ingesluit het .

Werk as hervormer

Hy was 'n getroue volgeling van Zwingli en het vanaf 1523 as hervormer begin optree.

In teenstelling met sy Gereformeerde kollega Valentin Tschudi in Glarus, verwerp hy die Heilige Messe van die Katolieke Kerk.

In 'n brief aan Oswald Myconius beskryf hy homself as die eerste Protestantse predikant in Glarus. Tussen 1525 en 1527 ontvang hy Messpfründe in Glarus en dien hy ook as die Kaplan. Tussen 1527 en 1530 dien hy as Protestantse pastoor in Matt, waar in 1528, onder sy invloed, die Heilige beelde uit die Kerk verwyder is. In 1528 neem hy ook deel aan die Berner Disputation.

Op versoek van Zürich word hy vanaf 1530 Protestantse prediker in Flums. Die gebied was toe in die graafskap van Sargans wat geleë was in die Gemeinen Herrschaften. Hierdie gebiede is gemeenskaplik deur die Eidgenossenschaft bestuur en is vandag deel van St. Gallen.

In 1531 verhuis Brunner na Mels, maar word onder Aegidius Tschudi van Glarus in 1532 uit die kerk verwerp, ingevolge die eerste teen-hervormingspogings, van die Inneren Orte (die katolieke lande binne die Eidgenossenschaft.)

Tussen 1532 en 1555 was hy 'n Protestantse pastoor in Betschwanden.

In 1533 het hy 'n wesenlike bygedra gemaak tot die gemeente van Glarus se pogings om die eerste selfstandige Gereformeerde kerkgemeente te word.

In 1538 en weer in 1543 preek hy in die naburige dorp van Linthal.

1542 begin Brunner, 'n Kerkargief (Kirchenurbar).

Tussen 1555 en 1570 dien hy as opvolger van Valentin Tschudi en word weer die pastoor van Glarus.

In 1561 publiseer hy teen die Katolieke Landammann, Aegidius Tschudi, die skrif Antwurt uff Herrn Landammann Tschudis fürgebrachten Grund.... (Die antwoord op die verduideliking van Landammann Tschudi)

Literatuur

• Richard Feller, Edgar Bonjour: Geschichtsschreibung der Schweiz vom Spätmittelalter zur Neuzeit. Schwabe, Basel 1962. Band 1, bl. 262f.
• Andreas Gäumann: Die Reformation im Glarnerland. Steckborn
• Gottfried Heer: Fridolin Brunner : Reformator des Landes Glarus. Zürich 1917.
• Melchior Schuler: Geschichte des Landes Glarus. 1836.

Eksterne skakels

• Hans Laupper:Sjabloon:HLS
• Briewe van Fridolin Brunner van Huldrych Zwingli in 1527 op die terrein van die Instituut vir Switserse reformasie geskiedenis
• Gerold Meyer: Gottfried Heer: 1517: Vir die herdenking van die Reformasie in 1917. Fridolin Brunner, die hervormer van die land van Glarus. Zurich, 1917
• Andreas Gäumann: Die Reformasie in die Kanton Glarus. Geargiveer 7 Mei 2016 op Wayback Machine Op die Webwerf van die Protestantse Kerkgemeente van Steckborn