Friedrich Ludwig Schröder

Friedrich Ludwig Schröder (gebore op 3 November 1744, Schwerin, Mecklenburg [nou in Duitsland, sterf op 3 September 1816, Rellingen) was ‘n Duitse akteur, teaterbestuurder en dramaturg wat die toneelstukke van William Shakespeare bekendgestel het aan Duitse verhoë. Schröder se ouers was legendariese figure van die Duitse toneel; sy stiefpa, Konrad Ernst Ackermann, was ‘n briljante en geliefde komiese akteur, en sy moeder was die luisterryke aktrise Sophie Schröder. Friedrich se ware inspirasie was egter afkomstig van Konrad Ekhof, wat in 1764 aangesluit het by Ackermann se geselskap.

In 1771 het Schröder die bestuurder van die Hamburg Nasionale Teater geword waar hy vir nege jaar aangebly het en homself gevestig het as die leidende Duitse akteur van die era. Hoogtepunte van sy eerste Hamburgse tydperk was sy Shakespeareiaanse produksies waarin hy die rol van Hamlet, die spook van Hamlet se vader, sowel as Iago, Shylock, Lear, Falstaff en Macbeth gespeel het. Hy het ook die vroeë dramas van Goethe - Götz von Berlichingen, Clavigo, en Stella – en die toneelstukke van sulke Shakespeare-geïnspireerde Sturm und Drang dramaturge soos Friedrich Maximilian von Klinger en Heinrich Leopold Wagner, aan Hamburgse gehore bekendgestel. Hy het van Engeland Edward Moore se ‘’Gamester’’ en George Lillo se ‘’London Merchant’’ ingevoer.

Schröder het Hamburg in 1780 verlaat en vier jaar by die Weense Burgtheater spandeer waar hy die ensemble akteurspel gevestig het waarvoor die geselskap later bekend sou word. Hy was weer van 1785 tot 1798 direkteur van die Hamburg Nasionale Teater, waar hy baie van die toneelstukke geproduseer het wat hy in Wene geskryf het.

Eksterne skakels

• Wikimedia Commons het meer media in die kategorie Friedrich Ludwig Schröder.